Баҳодир эгам

ХОРАЗМ 
Зиёратга келдим, Ичон қалъасига,
Бағрингдан отилур оташ, аланга.
Тиғларнинг изи бор, бағринг, танангда,
Маҳобатинг олдида қиламан таъзим,
Сен шаҳри азимсан, сен шаҳри азим!

Минорларинг мағрур, юлдузни кўзлар,

Ҳар ғиштинг инграниб, тарихдан сўзлар,
Келган сайёҳларинг дур, ҳикмат излар,
“Лазги”ни чалгин-э,қиламиз базм,
Сен шаҳри азимсан, сен шаҳри азим!

Одил подшоҳларинг тахтини кўрдим,

Аскарларинг жангдаги шаҳдини кўрдим,
Минг йиллик тарихнинг бағрида юрдим,
Маҳобатинг олдида қиламан таъзим,
Қадимлар ичида қадим Хоразм.!

Бетакрор устунларинг саноғи йўқдур,

Афсона, ривоятнинг адоғи йўқдур,
Халқинг юрагида ҳеч доғи йўқдур,
Сен мағрур, сен буюк қадим Хоразм,
Сен шаҳри азимсан, сен шаҳри азим!

Хива, “О, амззе” деб даврон сурдилар,

Мачит, мадрасалар, қалъа қурдилар,
Туғилди Хоразмшоҳ, Мангубердилар,
Буюкларга консан, азим Хоразм,
Сенга эҳтироому, таъзим Хоразм.

Ферузинг шеър битди таърифинг сўйлаб,

Ҳофиз Комилжон овози турибди бўйлаб,
Сенинг тавсифингни топмадим ўйлаб,
Элларга достонсан, ғазал Хоразм,
Шаҳригулистонсан гўзал Хоразм.

Сиру синоатинг чегара билмас,

Таърифинг бетакрор, тарихинг ўлмас,
Сенинг маҳобатинг бетакрор, бесас,
Энг яхши ўзингсан, Хива, Хоразм,
“Лазги”ни чалгин-э, этайлик базм!




РОЗИ ҚИЛ! 
Бўлай десанг бой қизим,
Оппоғим, чирой қизим,
Бўлма эркатой қизим,
Қайнанангни рози қил!

Турма қовоғинг ўйиб,

Қўлларига сув қуйиб,
Ёнига болишни қўйиб
Қайнанангни рози қил!

Қайнананг ҳам онангдир,

Пештоқу пешонангдир,
Давлату кошнангдир,
Қайнанангни рози қил!

Тўйлар қилсанг бош бўлар,

Сенга кўзу қош бўлар,
Суянчиқ, сирдош бўлар,
Қайнанангни рози қил!
Ардоқлайди болангни,
Тинглар арзу нолангни,
Қўйгин амма, холангни,
Қайнанангни рози қил!

Қовоғини сузса ҳам,

Қизғансаям, куйса ҳам,
Гоҳ тўмтайиб турса ҳам
Қайнанангни рози қил!

Меҳмон қилиб, эъзозла,

Мезбон қилиб, эъзозла,
Сарбон қилиб, эъзозла,
Қайнанангни рози қил!

Қарғиш олма, дуо ол,

Доим битта гапдан қол.
Сўзларига қулоқ сол,
Қайнанангни рози қил!

Бўлай десанг ҳимматли,

Эл олдида ҳурматли,
Шафоатли, иззатли –
Қайнанангни рози қил!
Қайнанангни рози қил!