Баҳодир эгам

АЗИЗ ЖИГАРЛАРИМ 
Менинг азиз жигарларим аридай аҳил,
Ораларин бузмоқ-чун ўтолмайди қил,
Тўсиқларни енгадилар шунинг –чун дадил,
Мен сизларни жонимдан ҳам ортиқ севаман.

Худойимга шукроналар айтиб қўяман,

Жигарлари йўлларига жонини тиккан.
Ўз ҳузуру ҳаловатин тамом унутган,
Улардан-чи эвазига меҳрни кутган,
Сизга меҳр-муҳаббати чексиз бегумон,
Бошимизга омон бўлинг, азиз акажон...

Ёнингизда ташвишлардан мен ҳориб қайтай,

Сизга доим сирларимни, дардимни айтай.
Сизнинг қайноқ меҳрингиздан симириб тўйсам,
Бағрингизга отилмайин нечун опажон?!
Жиянларим боши узра бўлингиз омон.

Укаларим менинг учун ўзи дунёдир,

Менга олтин, менга гавҳар, меҳригиёдир,
Белга қувват, дилга сурур, кўзга зиёдир,
Мен сизларни жонимдан ҳам ортиқ севаман,
Худойимдан сизга соғлик тилаб қўяман.

Жиянларим, кўзингизга кўз тумор бўлай,

Соғинч билан йўлингизга мен хумор бўлай,
Бахти кулиб, бағрим тўлиб сизларни суяй,
Мен сизларни жонимдан ҳам ортиқ севаман,
Худойимдан сизга соғлик тилаб қўяман.


ЎЗБЕКИСТОН 

Ўзбекистон озод ўлка,

Бошлар бизни бахтли йўлга,
Беринг энди қўлни қўлга,
Яша доим Ўзбекистон,
Яшна доим Ўзбекистон!

Газни бериб кўмир ёқдинг,

Ўн тўрт қардош халқни боқдинг,
Эвазига “медаль” тақдинг,
Банди бўлган Ўзбекистон,
Танти бўлган Ўзбекистон.

Тутгин энди қаддингни тик,

Ўзига бек дерлар ўзбек,
Мард ўғлон бўл, гўё шердек,
Яша доим Ўзбекистон,
Яшна доим Ўзбекистон!

Темурийлар руҳин шод эт,

Этавергин юртни обод,
Мустақилсан юртим, озод,
Яша доим Ўзбекистон,
Яшна доим Ўзбекистон!


СЕНИНГ МУҲАББАТИНГ 
Н аҳот сендан кетмоқдаман мен буткул совиб,
Муҳаббатсиз юраккинам қолурми яшаб?
“Севмайман-ку” демоқдаман мардликка олиб,
Бир сўз билан кетмоқдаман дилгинам қақшаб.
Сен ҳам, балки тортмоқдасан мен каби азоб,
Ҳаётий бир зарурат деб мен тан оламан.
Садоқатинг саволига бермоқ-чун жавоб
Сенинг ёрқин муҳаббатинг асраб қоламан.