Баҳодир эгам

ОТАНГГА ЎХША, ОТАНГГА 
Отанг борки, сен пайдосан,
Дунё ишига шайдосан,
Бахтдан сармаст Ҳувайдосан,
Отангга ўхша, отангга!

Отанг эрур мардлар марди,

Қалбида йўқ ғубор, гарди,
Ҳузурланиб, кетсин дарди
Отангга ўхша, отангга!

Отанг асли рўзғорбошинг,

Тегрангдаги бахт қуёшинг,
У туфайли ҳалол ошинг,
Отангга ўхша, отангга!

Дунё иши – тош-тарози,

Ота рози – худо рози,
Бўлай десанг ишинг сози
Отангга ўхша, отангга!


ОНАМ

Бўшамас ташвишдан ёзу қишларим,

Сиздан ҳам муҳимми менинг ишларим,
Оллоҳ кечирарми бу қилмишларим,
Айтинг, қандайин инсонман манам,
Йўлимни интизор пойлаган онам?
Келар, деб кечалар бўлсалар бедор,
Борай, деса оёқда қолмаган мадор,
Ўшанда етгандир кўнглига озор,
Айтинг-чи, қандайин инсонман манам,
Йўлимни интизор пойласа онам?
Бўлмадим малҳам мен онам дардига,
Эъзозлаб, етмасам унинг қадрига,
Асли арзимасман пойин гардига,
Айтинг-чи, қандайин инсонман манам,
Йўлимни интизор пойласа онам?

Менмасму кўзидан олган нурини,

Оёғидан мадор, қалбдан қўрини,
Онамга бўшатай қалбим тўрини,
Онажон, дардингга бўлайми малҳам,
Озори кўп бўлган бир фарзанд мен ҳам...


ЭҲТИЁТ ҚИЛИНГ
Кексаларни эҳтиёт қилинг,
Улар уйнинг фаришталари.
Ҳар онини ғанимат билинг,
Саранжому саришталари.

Тонгда туриб дуосин олинг,

Ишингизда бўлур барокат.
Шомда келиб қўлларин ўпинг,
Улар пойи равзаи жаннат.

Мақтанг, олқанг, кўнглин кўтаринг,

Сиз билан, денг бахтли онларим.
Очиқ чеҳра, ширин сўз бўлинг,
Сиз денг, менинг суянган тоғим.

Уловингиз олдига олиб

Сайр эттиринг суйган жойларин.
Афсус чекиб, армонда қолманг,
Бир кун топмай хоки пойларин.

“Болам ундоқ, болам бундоқ” деб

Давраларда мақтаниб юрсин.
Барча чеккан заҳматлари-чун
Кексайганда роҳатин кўрсин.