Баҳодир эгам

2015 йил, 18 сентябрь.


ОГОҲ БЎЛГИН, ЭЙ АЁЛ!


(Болаларини чет элга жўнатиб, турли хил оқимларга алданиб қўшилиб қолганларнинг оналарига айтар сўзим...)
Оллоҳ берди бизларга ОНА деган улуғ ном,
Қадр-қиммат, саодат ҳамда эҳтиром,
Улуғ кунлар юртимда бўлсин десанг бардавом
Огоҳ бўлгил онасан, огоҳ бўлгил эй Аёл!

Билим бериб ардоқлаган шундай азиз Ватанни

Севмоқликка ўргатгин яшаб турган масканни,
Униб-ўсган тупроғи-ю, чўлу саҳро, чаманни,
Қадрланган қадр юртда қадрловчи бўл, Аёл!

Сен аслида жавобгарсан, қусур бўлса болангда,

Айтгил энди, ким ишонар сенинг оҳу нолангга?
Ким айбдор деб ўйлайсан, ўйлаб кўргин танангга,
Огоҳ бўлгин, огоҳ бўлгин, огоҳ бўлгин эй Аёл!

Қурбон қилма дилбандингни номардларнинг қўлида,

Авраб-асраб солмасинлар бузғунчилар йўлига,
Ёт элларда айланмасин бойваччалар қулига,
Бек болангни авайлагин, бек онасисан Аёл!

Ҳар бир босган қадамидан, дўстларидан огоҳ бўл,

Ўз болангни йўлга солгин, сўзларидан огоҳ бўл,
Ёнидаги дардкаши бўл, кўзларидан огоҳ бўл,
Асли яқин дўсти сенсан, меҳрибонсан сен Аёл!

Китоб чин дўст, агар билсанг, маърифатга йўллагай,

Илму урфон йўлин тутса, Оллоҳ ўзи қўллагай,
Кексаликда осойишта ҳаётинг ҳам гуллагай,
Огоҳ бўлгин сен Аёлсан, огоҳ бўлгин, эй Аёл!

Ҳунар ўргат, билим олсин, устози бўлгин ўзинг,

Суянгувчи тоғи бўлгин, ҳамрози бўлгин ўзинг,
Улки сендан рози, сен рози бўлгин ўзинг,
Огоҳ бўлгин дилбандингдан, огоҳ бўлгин, эй Аёл!


ҚИШЛОҒИМ

Буюкларнинг қадами етган,

Юқсун ота бунда жон тиккан,
Мангуликка дахлдор этган
Кўҳна, азиз Юқсун қишлоғим.

Очиқ чеҳра, меҳмондўст элинг,

Дилинг очиқ, кўксингда қўлинг,
Шундандир барака, равондир йўлинг,
Меҳмондўст, меҳрибон азиз қишлоғим.

Муҳаммад Хол, Раззоқ боболар

Сенинг учун қилди дуолар,
Уларнинг пок руҳлари қўллар,
Омон бўлгин, Юқсун қишлоғим!

Манзура-ю Машҳураларинг,

Мадҳинг куйлар Баҳодирларинг,
Посбон Мақсуд, Музаффарларинг,
Истеъдодга бойсан, қишлоғим.

Каштасининг довруғи достон,

Тадбиркордир чевар Зебохон,
Пазанда-ю ҳамда болажон,
Аёлларинг азиз ардоғим,
Довруғлари достон қишлоғим.

Қўлимда қаламу, қалбимда титроқ,

Мен сени севаман ҳаммадн кўпроқ,
Энг эзгу тилагим: иқболинг порлоқ,
Сенга олқишларим, сенга ардоғим,
Зулхумор – фарзандинг, она қишлоғим!