Баҳодир эгам

ҚИЗИМГА

Қалбингда жўш урур минг орзу, ҳавас,

Митти қўллариз-ла олам безайсиз,
Демакки, катта қиз бўлиб қолдингиз,
Ҳовли супирасиз, уйлар тузайсиз.

Бир мучал ёшини қўйибсиз ўтаб,

Энди онангизга мададкор бўлинг.
Сизга саруполар қилдик биз атаб,
Ғам-алам кўрмангиз, ўйнанг, кулинг.

Ҳаётнинг аёвсиз довонлари кўп,

Йигитлар бу йўлда асло толмасин.
Устозлар ўгитин қулоққа олиб
Ҳаёт довонидан ортда қолмасин.


Унутманг! Сиз бизнинг умидимизсиз,
Орзу-ҳавасимиз ҳам қувончимиз,
Белда қувватимиз, кўзда нуримиз,
Орзу-истагингиз бахтингиз кулсин,
Мучал айёмингиз муборак бўлсин!


БОЛАЖОНИМ 
Болагинам, сенинг митти юрагинг
Соат милларидек уриб турса бас.
Менга давлат, зебу зийнат не ҳавас,
Болагинам, сенинг кўзларинг
Юлдуз каби чақнаб турса бас,

Менга шавқу сайру саёҳат не ҳожат?

Шулардан завқ олиб яшасам мудом,
Демакки ҳаётим этмоқда давом.
Дарахтман, сен менинг илдизларим.
Ҳаётим, кеча-ю кундузларимсиз,
Дунёда умидли юлдузларимсиз,
Сизларни бахтиёр кўрганда мудом,
Демакки ҳаётим этмоқда давом.

Баркамол, хушхулқу одобинг билан,

Ғайратинг, меҳнатинг, шитобинг билан,
Иззату икроминг, савобинг билан
Эл олдида қилсалар ҳавас,
Она учун шунинг ўзи бас!


БИТИРУВЧИЛАРГА 

Олис манзилларни кўзлаган фарзанд,

Қалбингда жўш урар ғайрат-шижоат.
Сенинг орзуингга орзуим пайванд,
Истиқбол йўлингга тиларман омад.

Ҳаёт довонидан бир карра ошиб,

Мустақил ҳаётга қўйдинг сен қадам.
Юрагингда минг орзу ҳаваслар жўшиб
Қадаминг мардона, ташлайсан шахдам.
Унутма, устозлар сочидаги оқ
Сенинг заҳматингдан тушганлигини.
Унутма, мартабанг ошгани чоқ,
Устозлар бу кунлар кутганлигини.

Ушлолмасдинг қўлингга бир оддий қалам,

Бугун маърифатнинг эгаси бўлдинг.
Устозлар меҳнати бир чексиз олам,
Барваста йигит-қиз қувватга тўлдинг.

Қувончу ташвишдан кўзларингда ёш,

Ажралиш оғирдир тенгдошлардан.
Меҳру муҳаббатинг порлаган қуёш,
Айланай меҳрли кўз-қошларингдан.

Сиздан она Ватан умидлари кўп,

Шу юртга муносиб фарзанд бўлингиз.
Турли касб-ҳунар эгаси бўлиб
Бехатар, нурафшон бўлсин йўлингиз.


ТЎЙХАТ
Дилрабохон, жоним қизим,тўйларингиз муборак!
Бахт қасридан аъло бўлган уйларингиз муборак!
Жуфтингиз-ла ярашибсиз тўйхонанинг тўрига,
Оқ либос жилоланган бўйларингиз муборак!

Ота-она дуолари бўлгай бугун ижобат,

Саломатлик, меҳр-шафқат ҳамда бахту саодат,
То уйингиз тўлгунича фарзанд кўринг илоҳим,
Сизни асло тарк этмасин севги, вафо, садоқат.