Bajardi : “Xitoy filologiyasi” ta’lim yo‘nalishi bitiruvchi kurs talabasi Ibragimjonova Naima Ilmiy rahbar

Bitiruv malakaviy ishining metodlari. Bitiruv malakaviy ishni yozishda tilshunoslikning an’anviy metodlaridan biri hisoblangan tavsifiy metoddan keng foydalanildi. Tarixiy chog’ishtirma va qiyosiy, statistik metodlardan ham foydalanildi.
Muammoning o‘rganilganlik darajasi: Mavzu yuzasidan Van Suisui (Wang Cuicui) va N.B. Rujentseva⁵, A.A.Belix⁶, Lin Peng⁷, o‘zbek xitoyshunosligida esa S.A. Nosirova⁸ tomonidan sohaga aloqador izlanishlar olib borilgan.
Ilmiy ishning yangiligi. Xitoy tilida xat matnining alohida leksik-semantik va struktur xususiyatlarining tahlil etilishi ishning yangiligini belgilab beradi.
Bitiruv malakaviy ishining obyektini: Xitoy tilidagi savdo-iqtisodiy sohaga oid xat matnlari ishning ob’yektini tashkil qiladi.
Bitiruv malakaviy ishining predmeti. Xat matnining leksik-semantik va struktur xususiyatlari ishning predmeti hisoblanadi.
Bitiruv malakaviy ishining maqsad va vazifalari. Xitoy tilida xat matnini tizimli tahlil qilish ishning asosiy maqsadi hisoblanadi. Maqsaddan kelib chiqib qator vazifalar belgilandi:
Birinchidan, xitoy tilida xat matnining tavsifi va tasnifi masalasini o‘rganish;
Ikkinchidan, xitoy tili xat matnining leksik xususiyatlarini tahlil qilish;
Uchinchidan, xat matni leksik komponentlari semantikasini ochib berish;
To‘rtinchidan, xitoy tili xat matni sturukturasining o‘ziga xos jihatlarini dalillash.
Bitiruv malakaviy ishi natijalarining ilmiy va amaliy ahamiyati. Xitoy tilida xat matni asosida amalga oshirilgan tahlillar boshqa ish yurituv hujjatlarini lingvistik o‘rganish uchun nazariy ahamiyat kasb etsa, tahlil natijalari talabalarning xujjatlar bilan ishlash malakasini oshirishga xizmat qilishi uning amaliy ahamiyatini belgilab beradi.
Bitiruv malakaviy ishining tuzilishi va hajmi.
Mazkur bitiruv malakaviy ish kirish, ikki bob, xulosa va foydalanilgan adabiyotlar qismlarida iborat.
Kirish qismida ishning dolzarbligi, o‘rganilganlik darajasi, maqsad va vazifalari, ishning ilmiy va amaliy ahamiyati kabi jihatlar yoritilgan bo‘lsa, birinchi bob ishning asosan nazariy qismini tashkil qiladi. Ikkinchi bob amaliy ahamiyat kasb etib, asosiy tahlil aynan shu bobda beriladi. Xulosada ish yuzasidan asosiy xulosalar ketiriladi. Foydalanilgan adabiyotlar BMIni yozishda foydalanilgan va murojaat qilingan adabiyotlar ro‘yxatini o‘z ichiga oladi. Ro‘yxat tillar bo‘yicha alifbo tartibida shakllantirilgan.