Қарақалпақ халық ертеклери

КЕЛ ТАНЫС

• 
  Бахыша, бахыша, қыя бахыша, Кӛзим түсти ӛңириңдеги нақыша, Қос әнарың бир-бирине қақыша,
  

Жилўалы қыз бизиң билән кел таныс.

• 
  Сарғайып кӛринген Саяттың бағы, Сийнемде қалыпты бир ярдың дағы, Ашыққа жараспас сақалдың ағы, Басқаны сәўерсең менен әл кӛтер.
  

• 
  Қыз гүзеңди кӛтерипсең далыңа, Бабаң ашық жүзиңдеги қалыңа, Ләбим қойсам ләбиңдеги палыңа,
  

Жығалы қыз бизиң менен кел таныс.

ЖУЎАП АЙТЫСЛАРЫ

Жуўап деген гүл болады, Гүлдиң түби бир болады, Отыз алты қыйлы болады,

Отыз алтының бир тәқәллеси болады, Мыңын сайлаған бирин алады, Басқасы ӛзинде қалады.

Ат жақсысы «жаўмыты», Тон жақсысы «маўыты», Отыз еки нӛкер бир солдат, Оның мәниси не болмақшы – Шырағым, депти ғой биреў.

Қызлар кеўилиңизде жоқты қыйлы қал, Жеңгелер айтайын сизге арзы ҳал,

Қатар қызлар бизден жуўап сораса, Ҳәммеңизге бизден болсын биймәлел.
Шекшек келеди шел менен, Зулпың тарапты күн менен, Басқа биреўди таўып, Бизди алдапты тил менен.

Суймурық деген қус болар, Сийнелери гүмис болар,

Заманластан гәп еситип, Қапа кеўил хош болар.

Суймурық деген қус болар, Сийнелери гүмис болар, Яр-ярға ашық болса,

Ақыры бир күн дус болар.

Қумнан қоян қашса керек, Жүйрикти тазы илсе керек, Жаңағы айтқан жуўабыңа, Ақылы жетер киси керек.

* * * * * * * * * * * * * * * * * * * * * * * * * * * * * * * * * * * * * * * *

• 
  Бир адамға шек-шек, Еки адамға шек-шек, Шылым таяр, от таяр,
  

Керек болса, түсип шеек.

• 
  Үйиңди жолға тигесең, Ӛзиң сақый баласаң, Ӛткен менен кеткенге,
  

Шылым отлап бергениңди, кимге миннет қыласаң?

• 
  Ҳәр ким уста болар сазға, Нама жақсы қумарпазға, Бирге отырған жигитлер, Заўықланады қатар қызға.
  

Жуўапқа-жуўап,

Бий жуўапқа не жуўап, Бас басыңа жуўап жоқ, Ҳәммеңизге бир жуўап.