Қарақалпақ халық ертеклери

Гҥлапсан

Гүл-гүлапсан, гүл емеспе?

Пошша торғай шеңгелге түнемеспе? Бес-алты аўыз гүлапсан айта қойсақ, Жымыйып аяқ уштан жӛнемеспе?

Гүлапсанда, гүлапсан, гүлапсандай, Гүлапсан қайдан келген уласқандай, Келгенде кӛшерине ийт гүлапсан,

Кӛрисип әкеси менен жыласқандай,
Кӛрисип шешеси менен жыласқандай.

Ҳәййиў

Ҳәййиў-ҳәййиў қарағым-аў, Айдай болған шырағым-аў, Журт сүймесе сүймесин-аў, Ӛзимниң сүйген айдайым-аў.

Мениң қарағым тойда екен-аў, Тойда болса тойласын-аў,

Орамалын жоймасын-аў,
Ҳәййиў, ҳәййиў, ҳәййиўим-ай.

Мениң қарағым барында, Қызыл алма қолында,

Қызлар оның жанында,
Ҳәййиў, ҳәййиў, ҳәййиўим-ай.

Айнанайын аппағым-ай,

Қызлар кийген қалпағым-ай, Қатарыңнан кем болма-ай,
Ашылғай балам бул бахтың-ай.

Айнанайын қулыным-ай, Қызлар қойған тулым-ай,

Сайраған бағда бүлбилим-ай, Ақ тамағың бүлкилдеп-ай.

Айнанайын аппағым-ай,

Қызлар кийген қалпағым-ай, Журт сүймесе сүймесин-ай, Ӛзимниң сүйген томпағым-ай.

Мине анаң қасыңда-ай,

Жасылдан қалпақ басыңда-ай, Уйықлайғой мениң аппағым-ай, Қыңырлық қылмай жасыңда-ай.

Анаң кетпес қасыңнан-ай, Сыйпар бәрҳә басыңнан-ай, Қатарыңнан кем қалмай-ай,

Пәрмана болар жасыңнан-ай.
Ҳәййиў, ҳәййиў, ҳәййиў-ай, Ашылғай балам бул бахтың-ай.

Ҳәййиў, ҳәййиў, ҳайдасы-ай, Қашан тийер пайдасы-ай,

Оқып адам болған соң,
Сонда тийер пайдасы-ай.

Ҳәййиў, ҳәййиў, ҳәйдекен-ай, Қызлар менен тойда екен-ай, Тойда болса тойласын-ай, Орамалын жоймасын-ай.

Оқып билим алған соң-ай, Билгирден билим алғайсаң-ай, Сырттан саған жаў келсе-ай, Елиңди жаўдан қорғайсаң-ай.

Айнанайын ай балам-ай,

Қыйқанлықты қой балам-ай, Қонағың келсе аянбай-ай,
Ҳеш нәрседен қайғы етпей-ай, Ел менен толық болғайсаң-ай.

Ҳәййиў әллә шырағым, Үй артында терең бар, Шекершеде бӛргең бар, Ҳәййиў әллә шырағым.

Ҳәййиў әллә бӛпеси, Уйықлап жатыр әкеси, Уйықлай ғой әллә бӛпеси.

Ҳәййиў, ҳәййиў айдан ақ, Айдарына маржан тақ, Әкеси бир арғымақ,

Шешеси бир тарғышақ, Нӛкис деген қаладан,
Таўып алдық қулыншақ.
Ҳәййиў, ҳәййиў, ҳәййиўим-ай, Алла берди алсын деп, Алғанда қоллар талсын деп,
Сүйгенде мийри қансын деп, Жүргенде жоллар ӛнсин деп, Ҳайда шырағым ҳайдасы,
Қашан тийер пайдасы, Қыс тиймесе, жаз тийер, Шырағымның пайдасы. Бахтиярым қайда екен,
Қызлар менен тойда екен, Тойда болса тойласын,
Қол орамалын жоймасын, Орамалын жойса да, Үйге жылап келмесин, Алтын сақа қолға алып, Қызлар менен ойнасын.

Ҳәййиў, ҳәййиў, аппағым-аў, Ақ бесикте жат бӛпем-аў, Апаң тойдан келгенше,

Жыламай сен жат балам-аў, Қарағым мениң жасында, Жасылдан қалпақ басында, Әшекӛйли ақ отаў, Ағасының қасында.