Aniq va tabiiy fanlar metodikasi

H.Hasanov

Hamidulla Hasanov to‘g‘risida yoshlikda birga o‘sgan akademik O.Akromxo‘jayev o‘z fikrini shunday bayon qilgan: «Ayniqsa u geografiya tarixi va undagi sharq geograf sayyohlari haqida g‘oyat qiziqarli kitob va maqolalar yozibgina qolmasdan, ilm-fanni keng ommaga yoydi».

O‘rta Osiyolik 35 dan ortiq yirik sayyoh, geograf-olimlardan Muhammad Xorazmiy, Abul Abbos Farg‘oniy, Abu Rayhon Beruniy, Abu Abdulla Xorazmiy, Maxmud Qoshg‘ariy, Nosir Hisrav, Abdurazzoq Samarqandiy, Mirzo Ulug‘bek, Ali Qushchi va Ali Akbar, Ismoil Buxoriy, Xoji Yusuf Hay’atiylarning geografik ishlarini o‘rganib, yuzaga chiqardi hamda ularni xalqqa tanitdi.

Toponimika yo‘nalishda ham ustoz H.Hasanov juda katta yutuqlarga erishganligi hammaga ma’lum. U kishining nomzodlik ishi ham, doktorlik ishi ham shu sohaga bag‘ishlanganligi fikrimizning yorqin dalilidir. Ustozning «Geografik nomlar imlosi», «O‘rta Osiyo joy nomlari tarixidan», «Geografik nomlari siri» nomli kitoblari bevosita toponimikaga oiddir. Bir qator boshqa kitoblarida ham toponimikaga oid ma’lumotlarni istagancha uchratamiz.

Nafaqat respublikamizda, balki xorijiy mamlakatlarda ham tan olingan, e’tirof etilgan geograf olim sifatida tanilgan. Mazkur ilmiy maktab geografiyasi respublikamizda iqtisodiy ijtimoiy geografiyani rivojlanishiga, zamonaviy fanlar darajasida ko‘tarilishida ulkan hissa qo‘shgan.