Abu Muhammad Muslix ad-Din ibn Abd Alloh Saadi Sheroziy fors-tojik nasihatgo‘y shoiri, adib va mutafakkir g‘azal janrining kashshofi va ustodi hamdir

Ahli dillar tomiridan toza xun oqsa agar,

Do‘st visoli malhami, dori topgan illati.

Molu duiyo yaxshidur, tan sharifu jon aziz,

Barchasidan ham baland yori vafodor hurmati!

Mumsik odam kulfati — molu dunyo tashvishi,

Do‘st-la shodon o‘tadi Sa’diyning har soati.

Shoislom Shomuhamedov tarjimalari

* * *

Bu go‘zal yuzlarga boqmaslik juda mushkil emish,

Kim nasihat qilsa menga, pandi behosil emish.

Husn shohidan agarchi dilda ming qo‘rquv yashar,

Tongda yorni ko‘rgan oshiq baxtga vosil emish.

Kulgichi chohidagi bechoralarning holati

Ul malaklardekki, Bobul chohida manzil emish.

Bundan avval zuhdu taqvoni da’vo qilgan edim,

Endi bildim: neki da’vo ayladim, botil emish.