Abbatisa – ayollar katolik monastirlarining boshqaruvchilari. Abbatlik

Buyuk Mart Ordonansi – General shtatlar tomonidan 1357-yil martida e’lon qilingan Fransiyada davlat boshqaruvi islohotlari rejasi. 61 moddadan iborat boʻlgan. General shtatlar qirol ruxsatisiz yiliga ikki marta mustaqil tarzda davlat ishlari muhokamasi uchun toʻplanishi (5-modda), qirolga General shtatlar iznisiz tangalar tarkibiga oʻzgartirish kiritmaslik (15-modda), urush vaqtidan yangi soliqlar joriy qilmaslik va sulh tuzmaslik (39-modda) kabilar aks etgan edi. B.M.O. 1356-1358-yillardagi Parij qoʻzgʻaloni yetakchisi Etyen Marsel oʻldirilishi bilan tez orada bekor qilindi.
Buyuk Moraviya – 822-907-yillarda mavjud boʻlgan Oʻrta Dunay havzasidagi ilk slavyan feodal davlati. Poytaxti Velegrad shahri. Ilk bora davlat nomi Vizantiya imperatori Konstantin Bagryanarodniyning “Imperiyani idora etish haqida”gi asarida (950-yillar) B.M. tarzida tilga olingan.
Buyuk sxizma (ajralish) – Katolik cherkovi tarixida 1378-yildan 1414-yilgacha boʻlgan davrda amalga oshgan boʻlinish, ikkiga ajralishi 1378–1409-yillarda va uchga boʻlinishi 1409–1414-yillarda kuzatilgan. Papalarning Avinon qamalidan ozod boʻlishidan keyin yangi saylangan italiyalik Urban VI ga qarshi fransuz kardinallari Avinonda Kliment VII ni (papa boʻlgunga qadar Robert Jenevskiy) saylashadi. Har ikkala papa oʻzlari uchun alohida kuriya tashkil qilgan. Bu keyinroq “Yuz yillik urush” davrida Fransiyaning ittifoqchilari boʻlgan Shotlandiya, Neopolitan qirolligi, Kastiliya va german knyazliklari va Angliya tarafdorlari boʻlgan Portugaliya, Flandriya, Vengriya kabi davlatlar oʻrtasidagi siyosiy qarama-qarshilikda ham namoyon boʻldi. Uning natijasida koʻplab diniy-rohiblik ordenlari oʻrtasida boʻlinish yuz bergan. Koʻplab monarxlar oʻzlarining betarafligini bildirgan boʻlsada, har ikki papaning kardinallari 1409-yil Piza shahrida sobor chaqirishadi. Ular yagona papa saylanishi borasida qaror chiqarishadi, ammo papalar sobor qarorlarini tan olishmaydi. Natijada ikkita papa oʻrniga uchta papa mavjud boʻlib qoldi. B.S. 1414-yilda “Muqaddas Rim imperiyasi” imperatori Sigizmund tashabbusi bilan chaqirilgan Konstans sobori natijasida yakuniga yetdi. Unda Rim papasi oʻz iste’fosini e’lon qildi, qolgan ikki papa ham boʻshatildi. Sobor barcha katoliklar uchun yagona papa sifatida Martin V ni saylashdi.