|
28 - сызылма. Сатып алыў ҳаққында қарар қабыл етиў басқышлары
Сатып алыў процесси алды - сатты процессинен бир қанша алдын басланыўы себепли маркетинг тактикалық жобаның мақсети усы басқышлардан ҳәр бирине кирип барыў ҳәм қарыйдардың қатты -ҳәрекетлерин фирма ушын керек болған тәрепке бағдарлыўдан ибарат.
Жаңа товарларды сатып алыў ҳаққында қарар қабыл етиўдиң өзине тән қәсийети соннан келип шығады, қарвйдарлар, әдетте, товар ҳаққында жетерли мағлыўматқа ийе болмайды. Соның ушын бул жағдайда төмендеги басқышлар қосылады: хабардорлик, қызығыў, дәмин тартып көриў (татиб кўриш). Соныда нәзерде тутыў керек, адамлар жаңалықларға түрли қатнаста болады - гейпаралары оларды дәриў қабыл етеди, басқалар бул тәреплеринен бир қанша арқада қалады.
Жаңа товар маркетинг тактикасы оны 50% қарыйдарлардан көп қабыл етпеўди, қалған бөлеги ушын болса түрли маркетинг қуралларынан пайдаланып гүресиў керек екенлигин есапқа алыўы керек.
Маркетинг коммуникацияларыда мотивация. Мотив пенен мүтәәжлик бир - бирине жақын турсада, оларды әлбетте бир - биринен парықлаў зәрүрли. Мотив дегенде сондай мүтәәжлик түсиниледи, бунда бул мүтәәжликти қанаатландырыў инсан ушын қатъий саналады. Мотивлар - бул тийкарынан мүтәәжликлерден келип шығатуғын тутыныўшылардың қатнасларына ҳәм олардың реал шәраятларында белгили бир тәризде ҳәрекет етиўге барлық ўақыт мойиллигидан келип шыгатуғын өз - ара байланыслы себеплер.
Тутыныўшылардың минез - қулықы мотивине таллаў жасаўда мотивациялық таллаў усылынан пайдаланылады. Тутыныўшылардың мотивациясын үйрениў олардың қатты - ҳәрекетлерин тәртиплестириўши мотивларды түсиниў ҳәм аңлаў, олардың әмел етиў меxанизмлерин анықлаў ҳәм маркетинг коммуникациялары негизинде бул қатты - ҳәрекетлерге белгили бир тәсирди өткериўди өз алдына мақсет етип қояды.
Маркетингда қарыйдарлардың минез - қулықына таллаў жасаўда көпшилик жағдайда Фрейда ҳәм Маслоудың мотивациялық теориясынан пайдаланылады. Фрейданың псиxоаналитик модели негизинде қарыйдарлардың товарды сатып алыў бойынша қарар қабыл етиў процесслери үйрениледи. Бул теория бойынша тутыныўшылардың әҳмийетли сатып алыў мотивлери толық аңлап жетилмеген xарактерге ийе болып, олар белгили бир товар ҳаққында белгили бир пикирге келиўде өзи таңлаған товарының не ушын таңланғанлығын анық тийкарлай алмайды.
Фрейданың мотивация теориясы бойынша инсан туўғылған күнинен баслап көплеген xоҳиш-истаклар тәсиринде болып, ол бул xоҳиш-истакларни ақырына шекем түсинип жетпейди ҳәм олар қадағаланбайды.
Маслоудың мотивациялық теориясы болса не ушын инсанлар белгили ўақыт даўамында өз минез - қулықының мотиви сыпатында белгили бир мүтәәжликке ийе болыўларын түсинтириўге қаратылған. Маслоу мүтәәжликтиң иерарxик структурасын ислеп шыққан. Бул теория бойынша мүтәәжликлер әҳмийетлигине қарап төмендеги түрлерге бөлинеди: физиологиялық (азық - аўқатларға, кийим - кешекке, жасаў жайларына болған мүтәәжликлер), өзин - өз сақлаў (қәўипсизлик ҳәм қорғанылғанлығы), социаллық (белгили бир социаллық топарларға тийислиги), ҳүрмет (өзин - өз ҳүрметлеў, хызметин тән алыў, шөлкемде белгили бир статусты ийелеўи), өзин - өз тастыйықлаў (өзиниң қәбилиетин толық ашыў имканияты, өзин - өзи көз - көз етиў).
Улыўма, мотивацияны үйрениў негизинде сатып алыў себеплерин, қарыйдарлардың қатты - ҳәрекетлерин, сатыў тармағына болған қатнасы, информация алыў ҳәм қарар қабыл етиў процесси, тутыныўшылардың түрли топарларының үрип - әдетлери ҳ.т.б. ҳаққында коммуникациялар процесси ушын зарүр болатуғын мағлыўматлар таңлаў мүмкин болады.
Қ
Товар базары түрлерин түсинтирип бериң?
Базар конъюнктурасын қандай түсинесиз?
“Сатыўшы базары” дегенде нени түсинесиз?
“Қарыйдар базары” дегенде нени түсинесиз?
Базар сегменти дегенимиз не?
Базарды сегментациялаў дегенде нении түсинесиз?
Базарды сегментациялаўдан көзде тутилатуғын тийкарғы мақсети не?
Базар сегменти түрлери ҳәм көрсеткишлерин түсинтирип бериң.
Базарда тутыныўшылардың минез - қулықына қандай факторлар тәсир көрсетеди?
Қарыйдарлар минез - қулықының әпиўайы ҳәм кеңейтирилген моделларин түсинтириң.
адағалаў сораўлары
Do'stlaringiz bilan baham: |
