7-маъруза. Баъзи тизимлар ҳАҚида маълумот

Бошқарув тизимида энг мураккаб бўғин бошқарув органи ҳисобланади. Бу ерда мураккаблик даражаси бажарилаётган амаллар сони билан аниқланади, яъни бошқарув органи кўплаб турли-туман амалларни ишлаб чиқа олиши лозим. Бошқарув органи унга келган ҳар қандай ахборотга ишлов бериб ва бошқарув ахборотини ишлаб чиқиб, бошқарув объектининг ҳар қандай ҳолатига мос равишда таъсир кўрсатиши лозим.

Ҳозирги кунда корпоратив (ташкилий) бошқарув ва корпоратив ахборот тизимларини яратиш турли ахборот технологияларига таянади. Афсуски, ягона универсал технология мавжуд эмас. Бошқарув усулларининг уч турини ажратиш мумкин: манбаларни, жараёнларни ва корпоратив билимларни (коммуникацияларни) бошқариш. Ахборот технологиялари ичида кенг қўлланиладигани сифатида қуйидагиларни ажратиш мумкин: МОБТ (маълумотлар омборини бошқариш тизимлари – (СУБД –системы управления базами данных), Workflow ва Internet.

МОБТ дан ишлаб чиқариш манбаларини бошқаришда фойдаланилади (бухгалтерия ва молия).

МОБТ дан ишлаб чиқариш манбаларини бошқаришда фойдаланилади (бухгалтерия ва молия).

Workflow ишлаб чиқариш жараёнларини бошқаришда қўлланилади (ҳужжат алмашинуви).

Internet дан эса коммуникацияларни бошқаришда фойдаланилади (сифат, лойиҳалар, корпоратив билимлар, кадрлар).

Манбаларни бошқариш масаласи бошқарувнинг классик усулига киради ва биринчи бўлиб ахборот технологиялари кенг қўлланилган йўналиш ҳисобланади. Бу ҳисоблаш техникаси воситалари ёрдамида самарали амалга оширилувчи иқтисодий-математик моделларнинг мавжудлиги билан боғлиқ.

Бошқарув тизимлари ечим қабул қилиш, тезкор, зарур ва етарли ахборотни олиш учун мўлжалланган. Бошқарув тизимлари қуйидагиларга асосланган:

Бошқарув тизимлари ечим қабул қилиш, тезкор, зарур ва етарли ахборотни олиш учун мўлжалланган. Бошқарув тизимлари қуйидагиларга асосланган:

• ЭҲМ, оргтехника ва телекоммуникация воситаларидан кенг фойдаланиш;
• Ахборот жараёнида фойдаланувчиларнинг фаол иштироки;
• Локал ва глобал ЭҲМ тармоқлари орқали маълумотлар ва дастурлар омборларига, шу жумладан масофавий маълумотларга ҳам рухсат билан кириш;
• Телекоммуникациядан фойдаланиш;
• Автоматлаштирилган ишчи ўринларида ечим ишлаб чиқиш ва қабул қилиш жараёнида таҳлил учун мутахассислар;
• Сунъий интеллект тизимларини қўллаш;
• Эксперт тизимларни тадбиқ қилиш.