5-mavzu. Kelib chiqishi mikrobli xavflar Mavzu rejasi

Shartli-patogen mikroorganizmlar keltirib chiqaradigan oziqaviy toksikoinfektsiyalar. Shartli-patogen mikroorganizmlarga shunday mikroorganizmlar tegishliki, ular ma’lum sharoitlarda organizmni kuchsizlanganligida zaxarlanish sababchisiga aylanishi mumkin. Bu mikroorganizmlar odam va xayvonlarni normal mikroflorasidir. Ular to‘proq va suvda uchraydi.
Shartli-patogen mikroorganizmlar keltirib chiqaradigan oziqaviy toksikoinfektsiyalar ko‘p xollarda tayyor maxsulotlarni (gazaklar, salatlar, ilviralar, baliqli maxsulotlar va b.) ovqatda ishlatilganida paydo bo‘ladi. Bu maxsulotlar ular tayyorlanganidan keyin sanitariya qoidalariga rioya qilinmasligi sababli ikkilamchi ravishda ifloslanishi mumkin.
Toksikoinfektsiyalarni paydo bo‘lishi qo‘zg‘atuvchini maxsulotdagi yuqori titri (1 g maxsulotda 10⁵-10⁶ va undan ortiq xujayralar) bilan belgilanadi. Shuning uchun bunday zaxarlanishlar maxsulotni tayyorlash, saqlash va jo‘natish paytida sanitariya va gigiyenik qoidalarga rioya qilinmasligi oqibati xisoblanadi.
Ichak tayyoqchalari bakteriyalari guruxi juda ko‘p sonli va tarkibi bo‘yicha murakkabdir. Ichak tayyoqchalari bakteriyalari guruxini 4 ta mayda guruxlarga bo‘lish mumkin. Ichak tayyoqchalarini tadqiqot etilayotgan mahsulotda aniqlanishi uni olish texnologik rejimini buzilganligiga ishora qiladi. Kasallanish manbalari go‘sht va sut mahsulotlari, shuningdek xom sabzavot va mevalardan tayyorlangan taomlar hisoblanadi.
Proteus jinsidagi bakteriyalar to‘proq, suv, oziq ovqat mahsulotlarida keng tarqalgan bo‘lib chirituvchilar hisoblanadi. Manbalari ko‘p hollarda qiyma, qonli kolbasa, baliq, kartoshkadan tayyorlangan taomlar hisoblanadi. Kasallikni sut mahsulotlari, mevalar, sabzavotlar, salatlar va b. ham keltirib chiqarishi mumkin. Proteus bakteriyalarini ovqatda mavjudligi sanitariya rejimlarini va uning realizatsiya qilish muddatlarini buzilishidan dalolat beradi.