2-Мавзу. Жисмоний тайёргарлик мазмуни ва моҳияти жисмоний сифатлар қандай хусусият хисобланади

зарбани пастга қаратилган билак воситасида қайтариш (37- «в» расм). Бир қадам олдинга ташлаш баробарида, қўл ярим доира йўналишида қисқа ҳаракат бажарган тарзда пастга туширилиб, рақиб зарбаси қайтарилади. Бунда, мушт қилиб тугилган панжа бармоқлари зарба берилаётган томон қаратилади;
оёқ билан берилаётган зарбани қайтариш (38- расм). Бундай зарба қўл (38- «а» расм), сон ва оқ кафти воситасида қайтарилади. Зарба қайтарилгач, қўл билан рақибнинг боши ёки гавдасига қарата жавобан зарба берилади;
тизза билан пастдан берилаётган зарбани қайтариш. Бундай зарба букилган оёқни таяниб турган иккинчи оёқ томон кўтариб, сон билан човни тўсиш орқали қайтарилади (38- «б» расм);




38- расм. Оёқ билан берилаётган зарбани қайтариш


оёқ билан берилаётган зарбани оёқ кафти воситасида қайтариш. Бундай амал оёқ кафти ва сонни рақибнинг зарба бераётган оёғига тутиш йўли билан, тўғри турган ҳолатда ёки оёқ кафти ва сонни тутиш фурсатида танани бурган тарзда (38- «в» расм) бажарилади.
30- машқ. Қўл жанги амалларининг махсус комплекси (3-ҚЖ).
Қўл жанги амалларининг махсус комплекси ўз ичига 1-ҚЖ ва 2-ҚЖ комплексларини ташкил этган барча амалларни мужассам этади ва қўшимча равишда қуйида баён этилган амаллардан ташкил топади.
Оғритиш усуллари:
о лд томондан ҳамла қилган рақиб қўлини белига қайириш (39- расм). Чап қўл билан рақибнинг ўнг қўл панжаси юқори қисмидан тутиб олинади ва шу заҳоти оёқ билан болдирига ёки мушт билан жағига қарата зарба берилиб, ўнг қўл билан рақибнинг ўнг қўл тирсагидаги енги ташқи томондан маҳкам ушлаб олинади (39- «а» расм). Ўнг қўлни гавда томон, чап қўлни олд томон бир вақтда қаттиқ силтаган тарзда рақиб қўли икки букилиб, билаги чап қўл тирсагининг бўғини воситасида қаттиқ сиқиб олинади ва шу ҳолатда гавдага маҳкам босилади. Рақибнинг қўли қайрилиб, энгашишга мажбур қилинади (39- «б» расм) ва юзига қарата ўнг оёқ тиззаси билан ёки бўйнига қарата ўнг қўл кафтининг қирраси билан кучли зарба берилади. Шундан сўнг, ўнг қўл билан рақибнинг сочи ёки чап елкаси устидаги кийими чангаллаб олинган тарзда тортилиб, танасининг вазни ўнг оёғига ўтказилади ва ёндама юргизилган ҳолатда керакли жойга олиб борилади (39- «в» расм). Рақибни боғлаш зарурати туғилса, ерга қулатилади, қайрилган ҳолатда тутилган қўли остига ўнг тизза киритилиб, рақиб белига ўтириб олинади. Унинг тутиб турилган билаги сон билан босиб олиниб, иккинчи қўли орқага қайрилгач (39- «г» ва «д» расм), иккала қўли маҳкам боғланади;