2-Мавзу. Жисмоний тайёргарлик мазмуни ва моҳияти жисмоний сифатлар қандай хусусият хисобланади

42- расм. Рақибнинг узатилган қўлини ичкарига қайириш


рақиб қўлини елкаси устида қайириш (43- расм). Чап оёқни бир қадам олдинга ташлаган ёки рақиб ёнига сакраб яқинлашган тарзда ўнг қўл билан унинг ўнг қўли юқори қисмидан маҳкам тутиб олинади (43- «а» расм). Ушбу қўл гавда томон кучли тортилиб, тирсак бўғинига қарата чап қўл билан зарба берилган тарзда икки букиб юборилади ва билак елкага кўтарилиб, чап қўл билан ўнг билак ушлаб олинади ва шу тариқа «қўл тугуни» ҳосил қилинади (43- «б» ва «в» расм). Рақиб қулай масофада бўлса, ўнг қўл тирсаги билан унинг юзига зарба берилади. Танани чапга буриш баробарида, оёқ билан рақибнинг чови ёки болдирига қарата зарба берилади. Рақибнинг тутиб олинган панжасига нисбатан оғритадиган куч ишлатилиб, ерга қулатилади ва


43- расм. Рақиб қўлини елкаси устида қайириш
шу заҳоти оёқ билан тўғри келган жойига қарата зарба берилади (43- «г», «д» ва «е» расм). Зарурат туғилса, рақиб ерга қулатилганидан сўнг, панжасини босиш амалини давом эттириб, чап қўл воситасида рақиб тирсагига таъсир ўтказган тарзда кийимидан тутиб қўли белига қайрилади. Шундан сўнг, рақиб белига ўтириб олинади ва иккинчи қўли орқага қайрилгач (39- «г» ва «д» расм), иккала қўли маҳкам боғланади;
рақибнинг узатилган қўл тирсагини елка устида тескари букиш (синдириш) (44- расм). Чап оёқни бир қадам олдинга ташлаган ёки рақиб ёнига сакраб яқинлашган тарзда иккала қўл билан унинг ўнг қўл билаги маҳкам тутиб олиниб (44- «а» расм) шу заҳоти болдирига қарата оёқ билан кучли зарба берилади. Ўнг елка орқали зудлик билан рақибга орқа ўгириб, тизза букилган ҳолатда қўлининг тирсак бўғини елкага, кафти юқорига қаратилиб қўйилади (44- «б» расм). Рақиб билагини шу ҳолатда босиш баробарида, тизза кескин тўғриланади ва шу тариқа рақиб билагининг бўғини тескари букилиб, синдирилади (44- «в» расм). Таъкидлаб ўтмоқ жоизки, машқ ижросини ўзлаштириш жараёнида шерикнинг тирсак бўғинини босиш амалини ниҳоятда эҳтиёт бўлиб бажариш, тиззани шерик жони оғриганини ишора қилгунга қадар аста тўғрилаб бориш лозим;