2-Мавзу. Жисмоний тайёргарлик мазмуни ва моҳияти жисмоний сифатлар қандай хусусият хисобланади

Рақибни боғлаш усуллари:
рақибни арқон билан боғлаш. Ушбу амални бажариш учун рақиб ерга қулатилиб, қўли белига қайрилади. Арқон учи сиртмоқ кўринишида рақибнинг чап қўлига кийдирилиб, бўйни (ёки ўнг елкаси, кўкрак қафаси, чап қўлининг тирсак букиладиган жойи) орқали олиб ўтилиб, иккала қўлининг панжаси боғланади;
рақибни шим ва бел камарлари билан боғлаш. Ушбу амални бажариш учун рақиб ерга қулатилиб, қўли белига қайрилади. Шим камари билан рақиб панжалари ўзаро боғланади, бел камари эса бўйни орқали олиб ўтилиб, шим камарига боғланади;
рақибни шим камари ёки арқон билан боғлаш. Ушбу амални бажариш учун рақиб, юзини ерга қаратиб қулатилиб, оёқлари букилиб, қовуштирилади, қўли орқага олиб ўтилиб, ўнг қўли чап оёғига, чап қўли ўнг оёғига боғлаб қўйилади;
рақибни таёқ воситасида боғлаш. Ушбу амални бажариш учун рақиб ерга қулатилиб, таёқ енгига киритилиб, орқа томонидан олиб ўтилгач, панжалари, ушбу таёққа боғлаб қўйилади ёки қўл-оёқлари олд томондан боғлангач, таёқ боғланган қўлларнинг тирсак бўғинлари ва оёқ тақими орқали ўтказилади.
Рақибни тинтув қилиш усуллари:
рақибни деворга тақаб тинтув қилиш (55- расм). Ушбу амални бажариш учун рақибга қурол билан таҳдид қилиб, юзи ила деворга қараб туришга мажбур қилинади. Бунда, рақиб қўлини деворга тақайди, оёқларининг орасини кенг очиб, тўғри узатган танасини ер (пол) юзасига нисбатан 45-70^О бурчак ҳосил қилган ҳолда тутиб туради. Тинтув амали юқоридан пастга, бел соҳаси ва ёнбошлардан бошланади. Қурол қўллашга шай ҳолатда тутилиб, рақибнинг хатти-ҳаракатлари диққат билан кузатиб борилади. Рақибнинг бел соҳаси ва ёнбошлари тинтув қилинар экан, оёқ кафти чап (ўнг) оёғининг тақимига қўйиб турилади. Рақиб қилт этадиган бўлса, тақими ён томон пастга қаттиқ босиб юборилади (55- «а» расм). Тинтув амали чап қўл билан бажарилади. Рақибнинг бел соҳаси ва ёнбошлари тинтув қилиб чиқилгач, кўкрагини тепага қаратиб бурилишга мажбур қилинади (55- «б» расм). Чап оёқ рақиб тақимидан олинмай, ундан олдин қарши усул бажаришга шай турилади;