“1-sinf o`quvchilarida ifodali o`qish ko’nikmalarini shakllantirish”

 

 

 

 

 

 

 

 

 

 

---

38 

 

II BOB.  

 O’QISH  DARSLARIDA  1-SINF  O’QUVCHILARINING IFODALI 

O’QISH KO’NIKMALARINI RIVOJLANTIRISH YO’LLARI 

          II. 1. “O’qish kitobi” darsligidagi she’rlarni ifodali o’qittirish yo’llari.  

           

 Badiiy  o’qish  san’atining  mohiyati  adabiy  asarni  og’zaki  badiiy  ifodalash 

asar muallifining maqsadi, asar g’oyasi va undagi obrazlari bilan yaxshi tanishgan 

holda  voqeylik  va  holatini  tinglovchiga  jonli  qilib  yetkaza  olishdan  iboratdir. 

Asarni tinglovchisiga yetkazish uchun o’qiyotgan kishining o’zi uni to’la qonli his 

eta bilishi, o’zi ta’sirlanib, hayajon bilan o’qishi, tinglovchiga ham o’z ehtiroslarini 

“yuqtira” olishi darkor. 

 

Ifodali  o’qish  –  dona-dona  va  ta’sirchan  o’qishdir.  Asardan  ilk  ta’sirlanish 

badiiy asarning xususiyati, unda ilgari surilgan g’oya va  obrazlar haqida fikrlatish 

omili  hisoblanadi.  Yozuvchi  tafakkurining,  badiiy  olamini  tushunishda  ifodali 

o’qish katta ahamiyatga ega. Bu usul vositasida asar ruhi his qilinadi, ta’sir quvvati 

fikr va tuyg’ularni harakatga keltiradi: 

Uyg’on, erkam ko’zing och, 

Tong yoydi zarrin quloch. 

Bosh ustingda aylanib, 

Uchib o’tdi qaldirg’och (34-bet). 

Matn  mazmunini  haqiqiy  holatda  tinglovchiga  yetkaza  olish  ifodali  o’qish 

metodikasining  asosidir.  O’quvchilar  matnni  o’qib,  muallif  tasvirlagan  hayotiy 

voqealarni  so’z  bilan  tasvirlashga  intilsalar,  tinglovchilar  ham  asardagi  voqea-

hodisalar  mazmunini  anglab  hayotiy  xulosalar  chiqaradilar,  obrazlarga  nisbatan 

hamdardga aylanadilar, insonni tushunishga o’rganadilar. Asardagi inson tasvirini, 

hayot  haqiqatini  anglash  o’quvchini  mustaqil  hayot  jarayonida  qarorlar  qabul 

qilishga o’rgatadi: