1-mavzu. «Pedagogik fanlarni oʻqitish metodikasi» fanining predmeti, maqsad va vazifalari. Reja

8 – mavzu: Pedagogik fanlarni oʻqitishda pedagogik va axborot texnologiyalaridan foydalanish
Reja:

1. 
   Pedagogik fanlarni oʻqitishda ta’limning fanga yoʻnaltirilgan texnologiyalaridan foydalanish.
   
2. 
   Pedagogika fanini oʻqitish jarayonida muammoli oʻqitish texnologiyalaridan foydalanish yoʻllari.
   
3. 
   Axborot texnologiyalarini ta’lim jarayonida qoʻllashning pedagogik-psixologik omillari.
   
4. 
   Pedagogik fanlarni oʻqitish jarayonida zamonaviy axborot texnologiyalaridan foydalanish yoʻllari.
   

Tayanch soʻz va iboralar: muammoli oʻqitish texnologiyalari, zamonaviy axborot texnologiyalari, fanga yoʻnaltirilgan texnologiyalar.

Pedagogik fanlarni oʻqitishda ta’limning fanga yoʻnaltirilgan texnologiyalaridan foydalanish
Ta’limning fanga yoʻnaltirilgan texnologiyalardan foydalanish texnologik hujjatlar asosida amalga oshiriladi, bu hujjatlarning asosiy tarkibiy qismi esa texnologik xaritalar hisoblanadi.
Pedagogik texnologiya doirasida ta’limning fanga yoʻnaltirilgan texnologiyalaridan foydalanish uchun pedagogik-texnologik xaritalar ishlab chiqiladi. Uning asosida oʻqitish jarayonini bir necha marta tashkil etish mumkin, ya’ni qayta takrorlanadigan oʻqitish siklini roʻyobga chiqarish mumkin. Pedagogik texnologik xaritalar, pedagogik texnologiyani koʻp nusxada koʻpaytirishga va oʻquv yurtining qaerda joylashganligidan qat’iy nazar koʻzlangan oʻqitish natijalariga erishishga imkoniyat yaratadi. Pedagogik texnologik xaritalarning shakli va mazmuni – jadvalda keltirilgan.
Pedagogik texnologik xarita har bir mavzu modul uchun alohida tuziladi. Ularning majmuasi pedagog texnologik xaritalar albomini tashkil etadi.
Pedagogik fanlarni oʻqitishda ta’limning fanga yoʻnaltirilgan texnologiyalaridan foydalanish uchun qayta takrorlanadigan oʻqitish siklidan foydalanish mumkin.
Qayta takrorlanadigan oʻqitish sikli quyidagi bosqichlarni oʻz ichiga oladi (5-rasm):

1. 
   Oʻquv fanining umumiy maqsadini oʻrnatish. Oʻquv rejadagi har bir fan mutaxassisning shakllanishi uchun ma’lum bir maqsadga ega. Bu maqsad aniq ifodalanishi va fanni oʻrganishdan oldin har bir talabaga yetkazilgan boʻlishi kerak.
   
2. 
   Har bir mavzuni oʻzlashtirishi uning oʻrganishdagi oʻquv maqsadini toʻgʻri qoʻyilishiga bogʻliq. Oʻquv fanini toʻla oʻrganishdagi mavzuning ahamiyati oʻquv maqsadi toifasini belgilaydi.
   

Dars boshlanishida oʻquv maqsadi, uning boshqa mavzular bilan, mutaxassisning kelajakdagi amaliy faoliyati bilan bogʻliqligi talabalarga etkaziladigan boʻlishi kerak.

3. 
   Har bir mavzu (boʻlim va modul) boʻyicha tayanch iboralarni aniqlash (1- jadval). Pedagogik texnologiyada oʻqitishning moduli tizimini qoʻllash samaralidir, u fanning bir yoki bir necha fundamental tayanch iboralarini qamrab olgan axborotning tugallangan bloklariga tayanadi.
   

1- jadval
B.Blum taksonomiyasi asosida «Pedagogika» fani boʻyicha oʻquv maqsadlarning toifasini belgilash.

№	Mavzular nomi (boʻlim va modullar)	Tayanch iboralar	Oʻquv maqsadining toifalari