1-Ma’ruza: Fizika tarixi fanining predmeti va vazifalari. Kirish. Fizik olimlarning hayoti va ilmiy faoliyatining didaktik ahamiyati. Antik davrda tabiatshunoslikda erishilgan yutuqlar. Ioniylar va Ellinlar davri

Aristotel 

Peloponess  urushi  (e.a.  431  -  404  yy.)  Afina  va  uning 

demokratiyasi  yemirilishiga  olib  keldi.  Mafkurada  ham 

chuqur  o`zgarishlar  sodir  etilmoqda  edi.  Ioniyalik  va 

tomistlarning  materialistik  tizimini  Suqrot  (e.a.  469  -  399 

yy.)  va  uning  shog`irdi  Platonning  (e.a.  427  -  347  yy.)  

dealistik falsafasi siqib chiqardi, tamoyilsiz dialektikaning 

o`qituvchilari  -  sofistlar  paydo  bo`ldilar.  Shu  bilan  birga  

unozara  olib  borish  san`ati,  mantiqan  fikrlash  qobiliyati 

ortti,  qat`iy  matematik  isbotlarga  qiziqish  o`sib  bordi. 

"Platon  Akademiyasi"  deb  nomlangan  maktabga  asos 

---

solgan  faylasuf  Platon  matematikani  yuqori  baholagan.  Rivoyat  qilishlaricha 

Akademiyaga  kiraverishdagi  peshtoqida  "Matematikani  bilmagan  hech  kim 

kirmasin" degan yozuv bo`lgan ekan. Platonning ishlarida bir qator fizik g`oyalar 

ham bo`lgan, biroq fan tarixiga u asosan idealist-faylasuf sifatida kirgan. Jamiyatda 

tizimli  ilmiy  bilimga  ehtiyoj  sezilgan,  va  Platonning  shog`irdi  bo`lmish  qadimgi 

Dunyoning  mashhur  donishmandi  Aristotel  chekiga  o`z  davridagi  ilmiy 

bilimlarning tizimli to`plamini tuzishi tushdi. 

Aristotel eramizdan avvalgi 384 yilda Makedoniya bilan chegaradosh yunon 

Stagir  shahrida  tug`ilib,  eramizdan  avvalgi  322  yilda  vafot  etgan.  Aristotelning 

ilmiy  merosi  juda  ulkandir.  U  o`z  davridagi  ilmiy  bilimlarning  to`liq 

ensiklopediyasini  tashkil  etadi.  Biroq  uning  ishlarida  matematik  va  mexanik 

tadqiqotlarni  uchratmaymiz.  Uning  "Metafizika"sida  fan  va  san`atning  paydo 

bo`lishi  haqida  fikrlarni,  undan  oldin  o`tganlarning  ishini  tanqidiy  tahlili  va 

sharhini  ko`ramiz.  Inson  fikri  rivojlanishiga  biror  olim  Aristotelchalik  uzoq  va 

chuqur  ta`sir  etmagan  bo`lsa  kerak.  Uning  nuqtai  nazarlari  qator  yuz  yilliklar 

davomida  haqiqat  deb  qabul  qilinib  kelingan.  O`rta  asrlardagi  yevropalik 

universitetlarida  tabiatshunoslik  aristotelcha  talqin  qilingan.  Aristotel  izdoshlarini 

peripatetiklar deb nomlashgan. 

Yangi  tabiatshunoslik  Aristotelning  ayrim  fikrlarini  dogmaga  aylantirgan, 

natijada ilmiy rivojining dushmanlariga aylangan peripatetik falsafa namoyandalari 

bilan  kurash  olib  borishga  to`g`ri  keldi.  Aristotel  nazariyasidagi  ayrim  fikrlarni 

nasroniy  cherkov  ilib  olib,  ularni  kanonik  dogmalar  deb  e`lon  qilgan  edi. 

Aristotelning  o`zi  unchalik  dogmatik  bo`lmasada,  u  ustozi  kabi  idealist  ham 

bo`lmagan.  U  material  olamni  ob`ektiv  bilishlikni  va  uni  o`rganish 

mumkinliginitan  olgan.  Shu  bilan  birga  u  ilohiy  kuchlarning  borligiga  ham 

ishongan,  yerdagi  va  osmondagi  olamlarni  taqqoslagan  va  tabiatning  oliy 

maqsadini axtargan. Shularning barchasi cherkovga Aristotel falsafasidagi chirkin 

narsalarni  tutib,  tirik  narsalarni,  ya`ni,  uning  qiynalib  izlanishlari,  stixiyalik 

dialektikasini  va  boshqa  chuqur  fikrlarini  unutib  yuborishga  imkon  berdi. 

Zamonaviy  fizika  Aristotelda  ancha  dolzarb  bo`lib  yangragan  fikrlarni  topib 

bormoqda. 

Aristotel  fizika  faniga  nom  qo`ygan  insondir.  Tabiatni  tadqiq  qilishga 

bag`ishlangan  kitobining  nomi  "Fizika"  edi,  fizika  fanining  nomi  ham  shunday 

bo`ldi.  Aristotel  o`z  kitobining  boshida  bu  fanning  maqsad  va  muammolarini 

aniqlab  beradi:  "Ilmiy  bilishlik  barcha  tadqiqotlarda  paydo  bo`lgani  va  ularni 

o`rganish  yo`lida  boshlanishga,  sabablarga  va  elementlarga  taqsimlangani  uchun 

ravshanki,  tabiat  haqidagi  fanda  ham  dastavval  boshlanishga  tegishlisini  ajratib 

olish  lozim".  Bu  fikrdan  tabiat  haqidagi  fan  tabiatning  "birlamchi  sabablarini", 

uning    "birinchi  asoslarini"  va  "elementlarini"  tadqiq  qilishi,  o`rganishi  kerak 

degan  narsa  kelib  chiqadi.  Zamonaviy  til  bilan  aytiladigan  bo`lsa,  fizika  asosiy 

qonuniyatlarni  (birinchi  sabablar),  tabiat  tamoyillarini  (birinchi  asoslarini) 

shuningdek,  uning  "elementlarini"  (elementar  zarralarini)  o`rganishi  zarur. 

Shunday  qilib,  Fizika  tabiatning  fundamental  qonunlariga  va  asosiy  elementlar 

(zamonaviy  fizikadagi  zarralar  va  maydonlar)  haqidagi  tasavvurlarga  tayangan 

umumiy  nazariyadir.  Zamonaviy  nazariyotchi  fizikaning  muammolariga  doir 

---

Aristotelning bu nuqtai nazarini ma`qullaydi va butun bor tabiatni qamrab oluvchi 

yagona nazariyani yaratish ustida ish olib boradi. 

Fan  tarixi  nazarida  Aristotelning  bu  fikri  o`ta  chuqur  ma`noga  ega.  Inson 

buyumlarni  haqiqatligicha  (buyum  tabiatan  shunday)  qabul  qilmay,  balki  avval 

unda  qanday  taassurot  qoldirganiga qarab  (biz uchun  ravshan)  qabul  qiladi. Ilmiy 

bilishlik  yo`li  avval  buyumlarning  haqiqiy  tabiatini  tushunishdan  ancha  yiroq 

bo`lgan oddiy xissiy kuzatishdan boshlanib, shu tabiatni oddiy nazarda "mantiqqa 

zid"  bo`lgan  haqiqiy  tabiatini  o`rganish  tomon  yo`nalgan  bo`ladi.  Masalan,  Yer 

bizga  yassi  va  harakatsiz  bo`lib  tuyuladi.  Yerning  sharsimonligi  kashf  etilishi 

bilishlikning  "tabiatan  shunday"  va  "bizga  unchalik  ravshan  emas"  tomon  katta 

qadam edi. Koperning kashfiyoti bu yo`nalishdagi keyingi qadam bo`ldi. Fan tarixi 

tabiatni  bilishlik  yo`li  haqidagi  "bizga  nisbatan  ma`lum  va  ravshan  bo`lgan 

tomondan  buyumlarning  tabiati  nuqtai  nazaridan  ma`lum  va  ravshan  tomonga" 

degan  Aristotelning  fikri  to`g`riligini  tasdiqlaydi.  Aristotelning  bilishlik  usulida 

to`htalib  o`taylik.  Zamonaviy  fizika  darsligidan  farqli  biz  Aristotelning  "Fizika" 

kitobida  matematik  formulalarni  ham,  tajriba  va  foydalanilgan  asboblarning 

tasnifini ham topolmaymiz. Aristotel u yoki bu xulosalarga mulohazalar, u yoki bu 

taxminlardan  chiquvchi  natijalardagi  mantiqiy  qaramaAristotelqarshiliklar  orqali 

keladi. Bu usul, ya`ni, dialektika va mantiqning usuli qadimgi donishmandlarning 

orasida  keng  tarqalgan  yo`l  edi.  Suqrot  u  yoki  bu  taxminlarni  ilgari  surib,  ularga 

savol  qo`yar,  javoblarini  topar,  javoblarni  taqqoslab  ulardagi  birinchi  ko`rinishda 

ravshan bo`lib tuyulgan narsaning mantiqiy zidligini ko`rsatar edi. Shu yo`l bilan u 

ularning noto`g`riligini isbotlab berardi. Munozara, bahs Suqrot va uning shog`irdi 

Platonning asosiy usuli bo`lgan va ularning asarlari to`g`ridan-to`g`ri bahs shaklida 

yozilgan  edi.  Aristotelning  "Fizika",  "Metafizika"  va  boshqa  asarlari  rasman 

munozara  deb  hisoblanmasada,  ularda  bilishlikning  shunday  izlari  mavjud, 

shubhasizki,  Aristotelning  g`oyalari  shunga  o`xshash  bahs  va  suhbatlarda  pishib 

yetilgan. 

Ilmiy  yoki  siyosiy  bahslashuvlarning  katta  tajribasi  qadimgi  yunon 

shaharning  ma`naviy  va  jamoa  hayotida  oddiy  manzarasini  tashkil  etar  edi  va  bu 

narsa Aristotelning ilmiy umumlashuvlariga asosiy  material bo`lib qoldi. Shuning 

uchunmi, tajriba yoki matematik tahlil yo`lini Aristotel ishlatmagan edi. quldorlik 

davrida  tajribachining  "temirchi"  san`atidan  foydalanilmagan  va  hurmat 

qilinmagan.  quldor  fikrning  nozik  o`yinini  yoqtirar,  biroq  qo`llarning  nozik 

ishlariga  befarq  bo`lardi,  shunga  qaramay,  rassom  va  arxitektorlarning 

yutuqlaridan zavq olishga halaqit bermasdi. Shuni ta`kidlab o`tish joizki, Aristotel 

"tabiatan"  yaratilgan  buyumlarni  "sun`iy  yaratilgan"lardan  farqlagan.  Aristotel 

fikriga ko`ra, tajriba tabiat hayotini buzadi va uni bilishligida noto`g`ri natijalarni 

beradi.  Shu  sabablardan  ham  tabiatni  tadqiq  qilishda  matematikadan  foydalanib 

bo`lmaydi  deb  hisoblardi.  Qadimgi  Yunonistondagi  matematikada  o`zgarmas 

kattalik va nisbatlar bilan ish olib borilardi, tabiat esa qandaydir harakatlanuvchan, 

doimo  o`zgarib  turuvchi  bo`lib  tuyulardi.  Matematika  abstrakt,  nomaterial 

tushunchalar bilan ish ko`rar, tabiat esa haqiqiy, materiallidir. Aristotel aytishicha: 

"Aniqlik,  aynan  matematik  aniqlik  har  doim  emas,  balki  faqat  nomaterial 

buyumlarga nisbatan talab etilishi mumkin. Shunday qilib, bu usul tabiat haqidagi 

---

fanga  ma`qul  kelmaydi,  chunki  tabiat  har  doim  materiya  bilan  bog`liqdir". 

Ravshanki,  bunday  uslubiy  yondoshishda  Aristotelning  "Fizika"si  ko`proq 

tabiatshunoslik bo`yicha qo`llanmaga emas, balki falsafiy risolaga yaqindir. Unda 

Aristotel  tabiat  haqidagi  fanning  umumiy  tushunchalarini,  ya`ni,  materiya 

tushunchasini  va  harakatni,  fazo  va  vaqtni,  ta`sir  etuvchi  sababiylikni,  bo`shliq 

mavjudligi, chekli va cheksizlik, birlamchi sifatlar masalalarini  muhokama qiladi. 

ristotel  materiyaning  ob`ektiv  mavjudligini  tan  olgan,  biroq  u  o`ziga  xos 

"o’quvchi" tushunchaga ega. Aristotelning materiya haqidagi tasavvurining muhim 

momenti shundan iboratki, materiya o`zicha faqat real buyumning paydo bo`lishi 

uchungina,  tabiatning  qandaydir  passiv  asosi  sifatida  xizmat  qiladi.  Buyum 

reallikga  aylanishi  uchun  u  shaklga  kirishi  darkor,  unda  shakl  ehtimollikni 

haqiqatga  aylantiradi.  Har  qanday  buyum  materiya  va  shakl  uyg`unligidan  iborat 

tabiatda  har  doim  materiyaning  shaklga,  shaklning  materiyaga  ko`chishi  sodir 

etiladi. Bundan Aristotelning - 1) material; 2) formal; 3) hosil qiluvchi; 4) natijaviy 

-  to`rtta  ta`sir  etuvchi  sababiylik  haqidagi  ta`limoti  kelib  chiqadi.  Faol  hosil 

qiluvchi  sabab  harakat  bo`lsa,  natijaviy  sabab  -  maqsaddir.To`rtta  sababiylik 

haqidagi ta`limot sxolastikaning asosiy negizini tashkil etdi va o`rta asrlarda keng 

tarqaldi.  Lekin  fanning  rivoji  Aristotelning  materiya  imkoni  va  maqsadi  haqidagi 

g`oyalariga  boshqacha  yondashishga  majbur  etdi.  Kutilmaganda  materiya  imkon 

sifatida  virtual  zarralar  va  maydonlarga  doir  tasavvurlarda  zamonaviy  nazariy 

fizikada  namyon  bo`ldi.  Maqsad  konsepsiyasiga,  ya`ni,  material  jarayonlarni 

dasturlashga  kelsak,  Aristotelning  tasavvuri  zamonaviy  biologiyadan  joy  oldi. 

Zamonaviy  tasavvurlarga  ko`ra,  DNK  molekulasida  biologik  ob`ektning 

kelajakdagi  rivojlanishi  "dasturlab"  qo`yilgan.  Harakatni  Aristotel  umumiy 

o`zgarish,  ehtimolning  haqiqatga  faol  aylanishi  deb  tushunadi.  Mexanik  harakat  - 

joy  o`zgarishi  bilan  bog`liq  bo`lgan  harakatlardan  bir  turi,  xolos.  Aristotelga 

binoan,  "joy"  tushunchasi  material  jism  bilan  uzviy  bog`langan  va  bir  jismning 

ikkinchi  jismga  nisbatidan  kelib  chiqadi.  Aristotel  tushunchasidagi  joy  hajmli 

jismning chegarasidan o`zga narsa emas. Aristotel vaqtni harakat bilan bog`laydi, u 

o`ziga  xos  harakat  o`lchovi,  "harakat  soni"  sifatida  xizmat  qiladi.  Eng  sodda 

harakat deb u tekis aylanma harakatni biladi, "chunki uning soni eng ma`lumdir". 

"Shuning  uchun  ham  vaqt  sferaning  harakatiga  o`xshash, bu  harakat  bilan  barcha 

boshqa  harakatlar,  chunonchi,  vaqt  ham  u  bilan  o`lchanadi".  Ana  shu  yo`sinda 

astronomik  tajriba  aristotelcha  vaqt  konsepsiyasida  namoyon  bo`ldi.  O`zining 

"Fizika"sida Aristotel o`zidan avvalgilarni, ya`ni, ioniyaliklar, eleatlar, Anaksagor, 

Levkipp  va  Demokritlarning  olam  birlamchi  materiyasiga  dunyoqarashlarini 

batafsil tahlil qiladi. U bo`shliqni va ko`psonli olamlarni tan oluvchi atomistlarning 

dunyoqarashlarini  tanqid  qiladi,  chunki  uning  fikricha  bu  nuqtai  nazar  mantiqiy 

qarama-qarshiliklarga  olib  kelishi  mumkin  ekan.  Aristotel  fikricha,  bo`shliq 

tushunchasi  ham  haqiqat  bilan  ziddir.  Muhit  harakatga  qarshilik  ko`rsatishini 

to`g`ri  payqagan  Aristotel  cheksiz  siyraklashtirilgan  bo`sh  fazo  abadiy  harakatga 

olib  kelishi  mumkin  degan  xulosaga  keladi.  Uning  fikricha,  bu  mumkin  emas. 

qarshilik  yo`q  bo`lsa  jism  tezligi  cheksiz  bo`lardi,  u  ham  bo`lishi  mumkin  emas. 

qizig`i  shundaki,  bo`shliqqa  qarshi  yana  bir  argumenti  -  bo`shliqda  barcha 

jismlarning tushish tezligi bir xilda bo`lishligi, shuningdek, cheksiz inersial harakat 

---

to`g`risidagi  Aristotelning  to`g`ri  xulosalaridir.  Real  sharoitda  harakat  chekli  va 

jismlar  turli  tezliklar  bilan  tushadilar.  Eynshteyn  cheksiz  katta  tezlik  mumkin 

emasligi haqidagi aristotelcha tamoyilni bo`shliq mavjudligi bilan birga o`rinlatdi, 

bunda  u  mumkin  bo`lgan  maksimal  tezlik  sifatida  vakuumdagi  yorug`likning 

tezligini qabul qildi. 

Aristotelning olam haqidagi fizik tasavvurida to`g`ri va qiziq g`oyalar bilan birga 

noto`g`ri  va  reaksion  fikrlar  ham  uchraydi.  Shunday  ta`kidlardan  biriga 

Aristotelning  mutloq  qo`zg`almas  olam  markazi  (Er)  mavjudligi,  Yer  va 

osmondagi  narsalarning  qarama-qarshiligi  haqidagi  fikrlarni  ko`rsatish  mumkin. 

Barcha  shunday  ta`kidlar  cherkov  tomonidan  qonunlashtirilgan  bo`lib,  o`rta 

asrlarda  ularga  mutloq  dogma  sifatida  qaralar  edi.  Yerdagi  real  jism  abadiy 

bo`linmas osmon olamiga mansub bo`laolmasdi. 

Yerdagi  olam  o`zgaruvchan  va  bir-biriga  almashinuvchi  elementlaridan 

tuzilgan,  unda  har  doim  uzluksiz  ravishda  o`zgarish,  yemirilish  va  yo`q  bo`lish 

hodisalari  sodir  etiladi.  To`rtta  asosiy  qarama-qarshiliklar,  ya`ni,  quruqlik 

vanamlik,  iliqlik  va  sovuq,  o`zining  munosabatlari  orqali  olamning  to`rtta  asosiy 

elementlarini,  ya`ni,  sovuq  va  quruq  Yerni,  sovuq  va  nam  suvni,  iliq  va  nam 

havoni,  iliq  va  quruq  olovni  beradi.  Aristotelning  bu  to`rtta  elementi 

Empedoklning  aynan  shunday  elementlaridan  birlamchi  sifatlari  o`zgarishi  orqali 

bir-biriga  o`taolishi  bilan  farqlanadi.  Aristotelning  bu  ta`limoti  alkimyoning 

nazariy asosi bo`lib qoldi. 

Yerdagi  olamda,  shuningdek,  og`irlik  va  yengillik  asoslari  ham  ta`sirlanadilar. 

Barcha jismlar shu sifatlari tufayli yoki olam markaziga, yoki markazdan yuqoriga 

intiladilar.  Aristotel  fikricha,  vertikal  tushish  yoki  yuqoriga  intilish  og`irlik  yoki 

yengillik  sifatlariga  binoan  xos  va  tabiiy  harakatdir.  Qolgan  barcha  harakatlar 

majburiydir  va  tashqi  kuch  va  ta`sir  orqali  tutib  turiladi.  Jism  o`zidan  o`zi 

harakatga faqat og`irligi tufayli kelishi mumkin, kolgan barcha xollarda kuch ta`sir 

etilishi  lozim.  Osmon  jismlarga  tekis  aylanma  harakat  xosdir.  Aristotel  xalqani 

butkul qandaydir sehrli narsa deb hisoblaydi va richag harakatini ham uning sehri 

bilan izohlaydi. 

Aristotel  fikricha,  bo`shliq,  vaznsizlik  tabiatga  zid,  mumkin  bo`lmagan 

narsalardir.  Aristotel  fizigi  bu  shunday  insonki,  u  qo`zgalmas  Yerdagi  havo 

muhitida,  Yer  tortish  maydonida  yashaydi  va  olamni  bunday  narsalarsiz  tasavvur 

etaolmaydi.  Kundalik  tasavvurlarga  mos  ravishda  Aristotel  olamning  geotsentrik 

tizimini  va  osmon  yoritkichlari  harakatlanadigan  sferalarga  taqsimlangan 

cheklangan  Koinot  konsepsiyasini  qabul  qiladi.  Aristoteldan  keyingi  davrdagi 

atomistika Iskandar Zulqarnay yurishlari qadimgi dunyo betini o`zgartirib yubordi 

va  yunon  hamda  sharq  sivilizasiyalarning  o`zaro  ta`sirlashuvlariga  olib  keldi. 

Buning  natijasida  dunyo  tarixida  katta  ahamiyatga  ega,  xususan,  nasroniylikni 

(xristianlikni)  paydo  qilgan  va  rivojlantirgan  madaniyat  qorishmasi  paydo  bo`ldi. 

Iskandarning  o`limidan  so`ng  parchalanib  ketgan  ulkan  imperiya  o`rnida  yangi 

davlatlar,  savdogarchilik,  hunarmandchilik  va  madaniyatning  yangi  markazlari 

paydo  bo`ldi.  Bu  davlatlarda  iqtisodiy  va  madaniy  hayotning  yangi  markazlari 

ochildi.  Garchi  falsafiy  va  ilmiy  hayotning  tomiri  Aristotel  vafotidan  so`ng  ham 

---

urib turgan bo`lsada, Afina chetga chiqib qoldi. Biroq, yunon fan va falsafasining 

xarakteri anchagina yuzgardi. 

Qadimgi  Dunyoning  fan  va  madaniyat  tarixida  ellinistik  deb  nomlangan 

yangi  bosqich  boshlandi,  u  ellinistik  davlatlar  barpo  etilishi,  ya`ni,  eramizdan 

avvalgi  IV  asr  oxiri  -  III  asr  boshidan  boshlab,  Rimning  Misr  tomonidan  bosib 

olgunga  qadar  (e.a.  I  asr)  davom  etdi.  Bu  vaqtdan  fan  tarixining  uchinchi,  ya`ni 

yunon-rim  davri  boshlanadi.  Bu  davr  davomida  ellinistik  butparastlik  madaniyati 

o`z mavqeini yo`qotib bordi, uning o`rniga butparastlikga qarshi keskin kurash olib 

borgan  (uning  misoli  tariqasida  Iskandariyaning  kutubxonasi  tor-mor  etilishi 

hamda  birinchi  astronom  ayol  Gipatiyaning  (eramizning  415  y.)  o`ldirilishini 

eslashimiz  mumkin)  yangi  o`sib  kelayotgan  nasroniy  madaniyat  egalladi.  Kurash 

o`rta asrlardagi ma`naviy hayotning fan va madaniyatni bosib olgan diniy mafkura 

ustunligi  ostida  yakunlanadi.  Antik  fanning  ajoyib  yutuqlari  esdan  chiqishi, 

qadimgi  mualliflar  ishlarining  katta  qismi  yo`qolishi  ana  shu  fakt  bilan 

izohlanadi.Avval  boshdanoq  nafaqat  nasroniy,  balki  boshqa  dinlar  ham  fan  va 

erkin  fikrga  qarshi  bo`lgan.  Bu  qarshilikning  izlari  butun  fan  tarixida,  shu  bilan 

birga qadimgi fanda ham ko`rinadi. Rim shoiri va faylasufi Lukresiy Kar (e.a. 99 - 

55 yy.) o`zining mashhur "Buyumlarning tabiati haqida" qasidasida "dinning og`ir 

qadamini"  va  uning  ostida  insonlarning  hayoti  "noxush  kechishi"ga  va  diniy 

mafkuraga  qarshi  chiqqan  yunon  donishmand,  Demokritning  tabiat  haqidagi 

ta`limotini rivojlantirgan afinalik fan va falsafaning ajoyib namoyandasi Epikurni 

(e.a. 341 - 270 yy.) to`lqinlanib yoritib bergan. 

Epikur  ijodida  yangi  davrning  manfaatlari  yaqqol  qo`rsatib  o`tilgan.  Uni 

asosan  etika  muammolari qiziqtirgan. Bu muammolar  ellinistik  hamda  yunon-rim 

davrlarida  zavq-shavq  bilan  mushohada  qilingan  va  u  davrdagi  etika  va  falsafiy 

merosning kattagina qismi  nasroniy  etika va  falsafasiga  o`tgan.  Biroq  Epikurning 

etikasi  materialistik  va  insonga  yaqin  (epikureylik)  bo`lgani  uchun  cherkov  

tomonidan quvg`inga uchragan. Epikurning tabiat haqidagi ta`limoti Demokritning 

atomlar konsepsiyasiga asoslangan bo`lsada, undan biroz farqlanadi. Epikur barcha 

tabiiy, psixik va ijtimoyi hodisalarni atomlarning mavjudligi bilan tushuntirmoqchi 

bo`ladi.  Atomlar  haqidagi  tushunchaning  o`zi  esa,  yaxshi  ma`lum  bo`lgan 

faktlardan  chiqariladi.  Masalan,  kirning  qurishi  sababi  quyosh  va  shamol  ta`siri 

ostida  kirdan  suvning  ko`rinmas  zarrachalari  uzilishidadir.  Atomlar  tinimsiz 

harakatda  bo`ladi  va  Lukresiy  ularni  qorong`u  xonaga  yorib  kirgan  Kuyosh 

nuridagi  chang  zarralarning  harakatiga  qiyoslaydi.  Lukresiy  tomonidan  chizib 

berilgan  g`alayonlangan  chang  zarralari  modeli  broun  harakatining  zamonaviy 

tasviriga  mos  keladi.  Bu  -  fan  tarixida  qadimgi  muallif  tomonidan  molekulyar 

harakatni tasvirlab bergan birinchi tasvirdir. Epikur tomonidan atomlarning xaotik 

harakatini  tushuntirishi  Demokrit  tushuntirilishidan  farqlanadi.  Epikur  katta  va 

kichik atomlar tushishidagi tezliklar  orasidagi farqlarni tan olmaydi; bo`sh fazoda 

barcha  zarralar  bir  xil  tezlik  bilan  harakatlanadilar.  Biroq  ayrim  lahzalarda  o`z-

o`zidan  u  yoki  bu  zarraning  to`g`ri  yo`ldan  tasodifan  kichik  chetlashishlari  sodir 

etiladi. Epikur va Lukresiy faqat ehtiyojning o`zi tabiatning serjiloligini tushuntirib 

berolmaydi  deb  hisoblaydilar.  Atomlarning  ayrim  joylarda  va  vaqtning  ayrim 

lahzalarida kichik tasodifiy chetlashishlarini faraz qilish zarurdir. Shunday qilib ilk 

---

bor fan tarixida ilmiy tahlilga ehtiyoj bilan birga tasodif kiritildi. Epikur - Lukresiy 

ta`limoti  asosida  materialistik  falsafaning  "hech  narsadan  hech  narsa  bo`lmaydi" 

degan  asosiy  tamoyili  yotadi.  Bu  cheksiz  olam  hech  qanday  markazga  ega  emas. 

Koinotning  tabiiy  markazi  haqidagi  Aristotelning  ta`limotini  atomistlar  inkor 

etadilar.  Shu  bilan  birga  Lukresiyda  Yerning  sharsimonligi  haqida  tasavvur  ham 

yo`q.  Bu  fikrda  u  Aristotelga  nisbatan  bir  qadam  orqaga  chekingan  bo`ldi. 

Keyinchalik,  ellinistik  davrda  Yer  radiusini  aniqlashga  ilk  bor  ilmiy  urinishlar 

bo`lib o`tdi, biroq bu urinishlardan ikki asr o`tganiga qaramay, Lukresiy yana yassi 

Yer  tasavvuriga  qaytadi  va  keskin  tarzda  antipodlarga,  yuqori  va  pastning  nisbiy 

tushunchalariga  qarshi  chiqadi.Biroq  bu  xatolar  qadimgi  atomistlarning  ulkan 

tarixiy  ahamiyatga  ega  bo`lgan  yutuqlarini  aslo  kamaytirmaydi.  Ular  fanga  asrlar 

osha  sinovdan  o`tib  kelgan  va  hozirgi  kunda  atom  va  atom  yadrosi  haqidagi 

qudratli  fanga  aylangan  unumdor  g`oyani  kiritganlar.  Ular  tabiat  hodisalarining 

atomlar  g`oyasiga  suyangan  ilk  ilmiy  nazariyalarini  yaratdilar,  va  materiyaning 

zamonaviy  kinetic  nazariyasi  Lukresiy  chizib  bergan  tasavvurdan  boshlanadi. 

qadimgi  atomistlarning  dohiyona  topilmalari  materialistik  atom  nazariyasining 

kelajakdagi  yutug`ini  ta`minladi.  Epikur  -  Lukresiy  atomistikasi  Aristoteldan 

avvalgi  davrning  ilmiy  rivojlanish  yo`lidan  davom  etayotgan  edi.  Lukresiy 

o`zining 

qasidasida 

Geraklit, 

Empedokl, 

Anaksagor, 

Demokritlarning 

dunyoqarashlarini  muhokama  qiladi,  tanqidiy  nuqtai  nazaridan  baholaydi  va 

atomistikaning  epikureylik  variantini  taklif  qiladi.  Biroq,  Aristotel  davridan 

keyingi  atomistika  sezilarli  darajada  yangi  xususiyatlarga  ega,  u  Aristotel 

nazariyasi  va  Demokrit  atomistikasiga  nisbatan  fizikaga  yaqinroq.  Umuman 

olganda,  Demokritning  atomlari  sof  geometrik  tasavvurlardir,  ular  faqat  shakl  va 

hajm  bilan  xarakterlanadi.  Epikur  va  Lukresiydagi  atomlar  vazniga,  zichligiga 

(qattiqligi)  ega,  shuningdek,  to`g`ri  tekis  harakatidan  xususiy  chetlashishlarga 

moyildirlar. 

Ellinistik davrda yunon matematika, mexanika va astronomiya  bilimlarning 

boshqa sohalari bilan birga rivojlanishining eng yuqori cho`qqisiga yetdilar. Yunon 

fani  olamning  umumiy  holda  yahlitligicha  qo`rishdan  differensiallashgan 

bilimlarga  o`tdi,  bittayu  yagona  fandan  aloxida  bo`lib  tabiiy  va  gumanitar  fanlar 

ajralib  rivojlandilar.  Bunday  o`zgarishlarning  sababi  tarixiy  sharoitlarning 

o`zgarishida, jamiyatning yangi ehtiyojlaridadir. Iskandar Zulqarnayning yurishlari 

nafaqat harbiy san`atni, balki konkret bilim va ko`nikmalarni ham talab etardi. Bu 

davrga  kelib  harbiy  va  qurilish  texnikasi  nihoyatda  rivojlanib  ketdi.  Muhandislik 

kasbi  jamiyatda  tan  olindi  va  hurmat  qilina  boshlandi.  Yangi  savdo,  siyosiy  va 

iqtisodiy  aloqalar  Hindistondan  va  O`rta  Osiyodan  tortib  Pireney  tog`larigacha 

qamrab  oldi.  Astronomiya,  geografiya,  shu  bilan  birga  umuman  tabiatshunoslik 

bilimlari  jamiyatda  zaruriy  ehtiyojga  aylandi.  Iskandar  imperiyasining 

merosxo`rlari olimlarga katta g`amxo`rlik ko`rsata boshlaydilar, ularga osuda ilmiy 

ishlar  bilan  shug`ullanishlariga  sharoitlar  yaratadilar.  Birinchi  Ptolemey  o`z 

davrida Iskandariyaga (Aleksandriya) olimlarni jalb eta boshlagan bo`lsa, ikkinchi 

Ptolemey  davrida  qadimgi  dunyoning  mashhur  ilmiy  maskani  bo`lmish 

Iskandariya muzeyi barpo etildi. Agarda Platon Akademiyasi yoki Aristotel Litseyi 

ilmiy  va  pedagogik  faoliyatni  uyg`unlashtirgan  zamonaviy  universitetlarining 

---

ajdodlari  bo`lsa,  Iskandariya  muzeyini  zamonaviy  ilmiytekshirish  institutlarning 

ajdodi  deb  qarash  mumkin.  Olimlar  kutubxona  rasadxona,  turli  kolleksiya 

to`plamlari  xizmatlaridan  foydalanishar,  to`liq  imtiyozlarga  ega  va  yashashlari 

uchun  barcha  imkoniyatlar  muhayo  edi.  Bularning  barchasi  ellinistik  davrdagi 

ilmiy  rivojlanishida  Iskandariyaning  yetakchi  ahamiyatini  ta`minlar  edi.  Ellinistik 

davrning deyarli barcha olimlari Iskandariyabilan bevosita bo`lmasa bilvosita ya`ni 

u vaqtda keng rivojlanib borgan ilmiy yozishmalar orqali bog`langan edi. Mashhur 

Arximed  qo`lga  kiritgan  o`zining  ilmiy  natijalarini  Sirakuzadan  iskandariyalik 

matematiklarga  yuborgan  xatlar  orqali  ma`lum  qilardi.  Iskandariyada  geometr 

Yevklid, geograf va matematik Eratosfen, astronomlar Konon, Samosalik Aristarx, 

Klavdiy Ptolemey kabi yirik olimlar yashab ijod qilganlar. Iskandariya bilan Rodos 

orolida  yashagan  matematik  Perglik  Appoloniy  astronom  Gipparx  va  sirakuzalik 

Arximed  bog`lanib  turishardi.  Fanning  rivojlanishida  ayniqsa  Yevklid  va 

Arximedlarning ahamiyatlari katta bo`ldi. 

Yevklid

  (  e.a.  III  asr)  ajdodlarining  matematik  bilimlarini  to`pladi  va  bir 

tizimga  keltirdi.  Yevklidning  "Asoslari"  hozirda  "Evklid  geometriyasi"  deb 

atalmish  geometriyaning  bayonidir.  U  zamonaviy  fanda  "Evklid  fazosi"  deb 

nomlangan  fazoning  metrik  xossalarini  ta`riflaydi.  Yevklid  fazosi  Galiley  va 

Nyuton  asos  solgan  mumtoz  fizikadagi  fizikaviy  hodisalarning  bo`lib  o`tadigan 

joyidir. Bu fazo bo`sh, cheksiz, izotrop va uch o`lchamga egadir. Yevklid atomlar 

harakatlanadigan  atomistik  bo`sh  fazo  g`oyasiga  matematik  aniqlik  kiritdi.  Eng 

sodda geometrik ob`ekt nuqta bo`lib, Yevklid uni bo`laklarga ega emas narsa deb 

ta`riflaydi.  Boshqacharoq  aytadigan  bo`lsak,  nuqta  fazoning  bo`linmas  atomidir. 

Fazoning  cheksizligi  "Har  qanday  nuqtadan  har  qanday  nuqtagacha  to`g`ri  chiziq 

o`tkazish  mumkin";  "Cheklangan  to`g`ri  chiziqni  uzluksiz  to`g`ri  davom  ettirish 

mumkin";  "Ixtiyoriy  markazdan  va  ixtiyoriy  ochilma  bilan  aylana  chizilishi 

mumkin" qabilidagi uchta postulat bilan ta`riflanadi. 

Parallel  chiziqlar  haqida  ta`limot  va  mashhur  beshinchi  postulat  ("Agarda 

ikkita  to`g`ri  chiziqqa  tushayotgan  to`g`ri  chiziq  ikkita  to`g`ri  burchakdan  kichik 

bir  tomonda  joylashgan  ichki  burchaklarni  hosil  qilsa,  shu  chiziqlarni  davom 

ettirish  natijasida  burchaklari  ikkita  to`g`ri  burchakdan  kichik  burchak  tomonda 

tutashadi") Yevklid fazoning xossalarini va geometriyasini aniqlaydi. Keyinchalik 

Arximed  "Bir  xil  uchlarga  ega  barcha  chiziqlardan  eng  kichigi  to`g`ri  chiziqdir" 

taxminni  kiritgan  holda  Yevklid  fazosining  yana  bitta  xarakteristikasini  ifodalab 

berdi.  Yevklid  geometriyasidagi  to`g`ri  chiziq  geodezik,  ya`ni,  eng  kichik 

uzunlikga  ega  chiziqdir.  Yevklid  fazosi  yassidir.  Yevklid  fazosining  ana  shu 

xossalari bir kunda topilmagan, u ko`p asrlar davomida ilmiy fikrning mevasidir bu 

ishning  boshlanishi  sifatida  esa,  Yevklidning  "Asoslari"  xizmat  qildi.  Yevklid 

o`zining  "Optika"  va  "Katoptrika"  asarlarining  bayoni  orqali  geometrik  optikaga 

asos soldi. Geometrik optikaning asosiy tushunchasi to`g`ri chiziqli yorug`likning 

nuridir.  Yevklid  yorug`lik  nuri  ko`zdan  tarqaladi  (ko`rish  nurlarning  nazariyasi) 

deb  qabul  qiladi,  geometrik  tuzilmalar  uchun  u  xususiy  ahamiyatga  ega  emas.  U 

fokus  nuqtasining  aniq  vaziyatini  hali  aniqlay  olmasada,  akslanish  qonunini  va 

botiq  sferik  ko`zguning  xossalarini  biladi.  Har  qalay,  Fizika  tarixida  Yevklidning 

nomi geometrik optikaning asoschisi sifatida o`zining munosib o`rnini topdi. 

---