1 – мавзу: инвестицияларнинг иқтисодий мазмуни, моҳияти ва инвестиция жараёнларининг асосий босқичлари

Давлат инвестиция сиёсати - бу иқтисодиётнинг устивор тармоқларини ривожлантириш, молиявий қўллаб-қувватлаш, марказлашган инвестияциялаш жараёнидан номарказлашган инвестиция жараёнига ўтиш, устивор инвестицион лойиҳаларни қўллаб қувватлашга қаратилган услублар йиғиндисидир. Давлат инвестиция сиёсатини амалга оширишда кўпроқ устиворлик кичик бизнес субъектлари, хорижий инвестициялар иштирокидаги корхоналар тузишга қаратилади. Давлат инвестиция сиёсати мавжуд камчиликларни бартараф этиш, муаммоларни тезкорлик билан ҳал қилиш ва шу асосда инвестиция иштирокчиларининг эркин ҳаракат қила олишлари учун қулай иқтисодий, инвестицион муҳит яратилган бўлиши лозим.
Давлат инвестиция сиёсатининг устивор йўналишлари деб қуйидагилар ҳисобланади:
- инвестициялар, улар ҳаракатланиши, инвестиция фаолияти иштирокчилари муносабатлари, уларни тартибга солиб туриш бўйича қулай ҳуқуқий базани яратиш, амалдаги қонунчилик-ҳуқуқий базасини такомиллаштириш;
- иқтисодий туб ислоҳотларни амалга ошириш, мақсадли инвестицион сиёсатни юргизиш;
- инвестицион жараённи яхшилаш ва барча инвестицион жараён иштирокчиларининг фаоллигини ошириш, хорижий инвестицияларни жалб этиш;
- давлат бошқарув органлари, ҳукумат ташкилотларининг назорат этиш функцияларини янада такомиллаштириш.
Давлатнинг инвестицион сиёсатининг бундай устивор йўналишлари ва мамлакатдаги корхоналар инвестицион фаоллигига боғлиқ бўлади. Хозирда инвестицион фаолиятни амалга ошириш, уни кучайтириш борасида қатор амалий чора-тадбирлар ўтказилди, инвестицион фаолиятни тартибга солиб турувчи қатор қонун ва қонун ости ҳужжатлари чиқарилди ва ҳаётга тадбиқ қилинмоқда.
Олиб борилган ижобий инвестицион ўзгаришлар натижасида ўтган йиллар мобайнида мамлакатимизда қатор инвестицион объектлар ишга туширилди, яъни Асакадаги УзДеуавто, Навоийдаги Зарафшон Нюмонт, Самарқандаги Самкочавто, Тошкент вилоятидаги УзДонгжу, Бухородаги нефтни қайта ишлаш корхоналари шулар жумласидандир.
Ўзбекистонда Давлат инвестиция сиёсати ривожланиши қуйидаги 4 босқични ўз ичига олади.
Биринчи босқич: 1991-1994 йиллар, иккинчи босқич: 1995-2003 йиллар; учинчи босқич: 2003- 2008 йиллар ва 2008 й. - ҳозирги давр.