1 – мавзу: инвестицияларнинг иқтисодий мазмуни, моҳияти ва инвестиция жараёнларининг асосий босқичлари

5 – савол баёни: Инвестиция сиёсати – инвестиция фаолиятини жонлантириш, иқтисодиётни юксалтириш, ишлаб чиқариш самарадорлигини ошириш ва ижтимоий муамоларни ҳал қилиш мақсадида иқтисодий субъектлар учун қулай хўжалик юритиш шароитларини яратишга қаратилган мақсадли тадбирлар мажмуидир.
Давлатнинг ташқи инвестиция сиёсати – бу ташқи инвестицион оқимларни давлат томонидан тартибга солиш чора-тадбирлари тизимидир.
Давлатнинг ижтимоий-иқтисодий ривожланиш борасидаги аниқ мақсадга қаратилган фаолиятнинг энг муҳим доимий воситаларидан бири инвестиция сиёсати бўлиб ҳисобланади. Бундай сиёсат давлатнинг бутун сиёсий соҳасининг асосий ўзагини ташкил этади.
Иқтисодий ўсиш суръатлари, моддий ва маънавий неъматларни ишлаб чиқариш ҳажми ва сифатининг ошиши кўп жиҳатдан амалда олиб борилаётган инвестиция сиёсатига боғлиқдир.
Инвестиция сиёсати давлатнинг жамиятда моддий неъматларни такрор ишлаб чиқаришни ташкил этишга ва инвестиция воситаларини сафарбар қилишга ҳам қаратилган бўлиши ҳам лозим. Давлат сиёсатининг ушбу соҳаси, унинг тегишли органларининг бундай сиёсатнинг мақсадлари ва вазифаларини белгилаш, уни амалга ошириш учун маблағларни қидириб топиш борасидаги фаолиятидан иборатдир.
Инвестиция сиёсати объектив қарашли маъмурият томонидан ижро этиладиган очиқ-равшан, самарали ва қатъий риоя қилинадиган қонунларга эга бўлганида – хорижий инвестицияларни жалб қилиш учун кучли рағбат ҳосил қилади. Бундай сиёсатни ишлаб чиқиш республикамизнинг асосий вазифаларидан бири ҳисобланади.
Иқтисодий ўсишда оқилона инвестиция сиёсатини ишлаб чиқиш етакчи ўрин тутади. Инвестиция сиёсатини самарали амалга ошириш учун қулай инвестиция муҳитини яратишга хизмат қиладиган қатор институтларни ташкил этиш лозим.
Инвестиция сиёсатини ташкил этишда иқтисодий аҳволни яхшилашда кенг кўламли эркинлаштириш ва барқарорлаштириш омиллари алоҳида аҳамиятга эга. Эркинлаштириш нарх-навонинг эркин белгиланишини, савдонинг давлат томонидан назорат қилиниши тўхтатилишини, янги компанияларни ҳеч бир тўсиқсиз тузиш мумкинлигини тақозо қилади.
Барқарорлаштириш инфляциянинг қисқартирилишини, халқ хўжалиги, ташқи иқтисодий соҳалардаги номутаносибликлар бартараф қилинишини кўзда тутади. Ислоҳотларнинг бир-бири билан чамбарчас боғлиқ бўлган бу икки омили ўтиш жараёнининг дастлабки босқичларида амалга оширилиши мумкин ва лозим.