Mavzu: jamlanma byudjet tushunchasi va uning tarkibiga kiruvchi jamg'armalar mohiyati kirish

MAVZU: JAMLANMA BYUDJET TUSHUNCHASI VA UNING TARKIBIGA KIRUVCHI JAMG'ARMALAR MOHIYATI


Kirish
1. Konsolidatsiyalashgan byudjet tushunchasi, uni tuzishning zarurligi va maqsadi.
2. Konsolidatsiyalashgan byudjet tarkibiga kiruvchi davlat maqsadli jamgʻarmalari va ularning mohiyati.
3. Konsolidatsiyalashgan byudjetning istiqbollari va kelgusi yillar uchun prognozi.
Xulosa.
Foydalanilgan adabiyotlar ro`yxati
KIRISH
Ma’lumki, konsolidatsiyalashgan byudjet davlat moliya tizimining muhim bo’g’ini hisoblanib, davlat byudjeti, davlat maqsadli jamg’armalari va O’zbekiston Respublikasi Tiklanish va taraqqiyot jamg’armasi mablag’larini o’z ichiga oladi. Konsolidatsiyalashgan byudjetning samarali ijrosi, o’z navbatida, mamlakat ijtimoiy-iqtisodiy taraqqiyotida hal qiluvchi o’ringa ega.
O’zbekiston Respublikasi Prezidenti Sh. Mirziyoyev tomonidan “Makroiqtisodiy barqarorlikni yanada mustahkamlash va iqtisodiy o’sishning yuqori sur’atlarini saqlab qolish, jumladan, Davlat byudjeti barcha darajada mutanosib, milliy valyuta va ichki bozordagi narx darajasi barqaror bo’lishini ta’minlash – eng muhim ustuvor vazifamizdir”<sup>1</sup>, shuningdek, “Davlat byudjeti o’lchovsiz emas, mablag’larni qattiq tejash, belgilangan maqsad uchun va oqilona ishlatishni ta’minlash zarur. Bu – hammaga ravshan va rad etib bo’lmaydigan xaqiqat”<sup>2</sup> deb ta’kidlanishi, o’z navbatida, konsolidatsiyalashgan byudjet, jumladan, davlat byudjeti va davlat maqsadli jamg’armalari byudjetining samarali ijrosini ta’minlashning g’oyat dolzarbligini belgilab beradi.
O`zbekiston Respublikasini rivojlantirishning ustuvor vazifalarini bajarish, iqtisodiyotni barqaror va mutanosib rivojlantirish, jahon bozorlarida mustahkam o`rin egallash, shular asosida izchil iqtisodiy o`sishni ta’minlash, xalqimizning hayot darajasi va farovonligini yanada oshirish borasidagi vazifalarni to`liq va samarali amalga oshirish sharoitida davlat byudjetining amal qilish mexanizmlarini puxta o`rganish har qachongidan ham dolzarbdir.
Ushbu maqsad va vazifalar O’zbekiston Respublikasining konsolidatsiyalashgan byudjetini o’rganish, uning mamlakat ijtimoiy-iqtisodiy taraqqiyotidagi rolini tadqiq etish hamda konsolidatsiyalashgan byudjetning samarali ijrosini ta’minlashga qaratilgan taklif-tavsiyalar ishlab chiqish zarurligini ko’rsatadi va kurs ishi mavzusining dolzarbligini bildiradi.