2-мавзу: Спорт иншоотларига қўйилган гигиеник талаблар, спортчиларнинг шахсий гигиенаси. Режа

Sport inshootlariga qoyilgan gigiyenik talablar, sportchilarning shaxsiy gigiyenasi.
2-мавзу:Спорт иншоотларига қўйилган гигиеник талаблар, спортчиларнинг шахсий гигиенаси.
РЕЖА:
1. Спорт иншоотларининг турлари.
2. Спортчиларни шахсий, умумий ва кийим гигиенаси
3. Юқумли касалликлар ва унга карши кураш.
4. Иммунитет ва уни кўтариш чоралари.
5. Спортчилар овқат ратсионига бўлган талаблар.
Таянч иборалар: иншоот, спорт майдони, жой қопламаси, ҳаво ўтказувчанлик, ғишт, ёруғлик, шамоллатиш, спорт жиҳозлари, тери, спортчи, стереотип, кун тартиби, ҳамом, тери касалликлари, юқумли, инфексия манбалари, иммунитет.
Спорт иншоотларининг турлари
Жисмоний машқлар ташкилий равишда ўтказиладиган жойлар қурилиш норма ва қоидаларида кузда тутилган ҳамда жисмоний тарбия ва спорт машғулотлари ўтказиладиган жойларнинг тузилиши ва сонланиши юзасидан махсус санитария қоидаларида назарда тутилган муайян талабларга жавоб бермоги керак.
Спорт иншоотлари очиқ ва ёпиқ усулда қурилади.
Биринчи турдаги, яъни текис саҳнадаги спорт иншоотларига энгил атлетика машғулотлари, спорт ўйинлари ўтказиш, конки учиш учун мўлжалланган стадионлар, спорт майдончалари, хоккей ўйнаш учун тайёрланган майдонлар киради.
Иккинчи турдаги, яъни ёпиқ спорт иншоотлари – спорт заллари, манежлар, сузиш учун мўлжалланган ёпиқ бассейнлар, мерганлик турлари ва бошқалар киради. Бир қатор спорт турлари юзасидан (веломотоспорт, элканли ва эшкакли қайиқ спорти, чанги бўйича) спорт иншоотлари таркибига баъзи бир махсус ҳамда қўшимча спорт иншоотлари ҳам киритилади.
Спорт иншоотлари устидан жорий санитария назорати ўрнатилади. Ҳар бир спорт иншоотида жисмоний машқлар ва мусобақалар ўтказишга мўлжалланган асосий хоналардан ташқари спортчи ва мураббийларга хизмат кўрсатиладиган бир қатор ёрдамчи хоналар ҳам бўлиши керак: гардероб, эчиниш хонаси, душхона, зарурхона, врач кабинети, массажхона, буфет, ўқитувчилар ва маъмурият учун хона, спорт снарядлари ва инвентарларини сақлаш учун жой ва бошқа хоналар ана шулар жумласидандир.
Спорт иншоотлари яшил зоналар, маданият ва истироҳат боғлари ҳамда шунга ўхшаш оромгоҳлар яқинига қурилиши керак.
Спорт иншоотлари учун ажратилган участка ёнида очиқ сув ҳавзаларининг бўлиши мақсадга мувофикдир.