Zoologiya(Omirtqali) pa'ninen Laboratoriyalıq jumıslar Jumıstı orınlawǵa kórsetpeler

Súyekli balıqlardıń miy qutısı. Súyekli balıqlardıń bas skeleti hám akulanıń bas skeleti sıyaqlı 2 tiykarǵı bólimge: miy qutısı hám visceral skeletke bólinedi. Súyekli balıqlardıń bas skeleti tek súyek toqımasınan quralǵan bir qansha ayrım súyeklerden dúzilgen. Miy qutısı bir neshe bólimge bólinip, onda bir qansha súyekler jaylasqan.
Súyekli balıqlardıń miy qutısınıń eńse bólimi tórt súyekten turadı.
Ú lken eńse tesiginiń tómengi bóliminde taq tiykarǵı eńse súyegi (33-súwret, 1), eki qaptal tárepinde bir jup qaptal eńse súyegi (33-súwret, 2) hám ushında bir ústińgi eńse súyegi boladı.


33-Súwret: Sazannıń miyqutısınıń eńsebólimi.
1-Tiykarǵı eńsesúyegi, 2-qaptaleńsesúyegi, 3-ústińgieńsesúyegi,eńsetesigi, 4-qulaqsúyekleri.

Bul súyekler úlken eńse tesigin payda etip, sol arqalı bas miy arqa miy menen tutasadı.

Esitiw bóliminde esitiw kapsulasın payda etetuǵın qulaq súyekleri bar, olar sazannıń miy qutısınıń aldıńgı tárepinde kóz bóliminde, kózler ara tosıqtı payda etiwde qatnasıwshı súyekli balıqlardıń kópshiliginde shemirshek halında qalatuǵın jasırın súyekler yaki sfinoydlar jatadı. Sonday-aq, taq tiykarǵı jasırın súyek (34-súwret, 7) boladı.
Bul súyekler kózler ara juqa tosıqqa jaylasqanlıǵınan kópshilik jagdaylarda tájiriybe waqtında sınıp buzılıp ketedi.
Miy qutısınıń aldıńǵı bólimi shemirshek halında qalatuǵın iyis seziw súyeklerinen turadı. Bul bólimde bir aralıq iyis seziw súyegi (34-súwret, 10) boladı.
Bul súyeklerdiń hámmesi kelip shıǵıwı tárepinen xondrial súyekler. Miy qutısınıń ústińgi hám astıńǵı tárepinen qaplawshı súyekler kelip shıǵıwı jaǵınan qaplaǵısh (ekilemshi) súyekler bolıp esalanadı. Olar dáslep deneniń biriktiriwshi toqıma qatlamınan kelip shıqqan bolıp, soń teriniń astına, yaǵnıy bas skelet shemirsheginiń ústinde jaylasqan. Solardan miy qutısınıń ústińgi bólimine jup bas tóbe súyegi (34-súwret, 11), mańlay súyegi, (34-súwret, 9) hám murın súyegi (34-súwret, 3), tómengi bóliminde bolsa úlken taq parasfenoid súyek ornalasqan. Parasfenoid súyek pútin miy qutısı ushın tiykarǵı tosıq wazıypasın atqaradı hám onıń aldında taq óre súyegi (34-súwret, 9) boladı. Joqarıda aytılǵanlardan basqa miy qutısınıń qaptal tárepinde kóz kesesin hár tárepleme saqıyna tárizli orap alǵan mayda kóz átirapındaǵı súyeksheleri (34-súwret, 32) bar, bulardan eń aldıńǵı kóz jası súyegi (34-súwret, 6) bolıp esaplanadı.