Zoologiya(Omirtqali) pa'ninen Laboratoriyalıq jumıslar Jumıstı orınlawǵa kórsetpeler

Bólip shıǵarıw organı. Bólip shıǵarıw organı búyrek. Balıq búyreklerin kóriw ushın ishek hám hawa qaltashasın alıp taslawımız kerek. Aq shabaq, alabuǵa, sazannıń búyrekleri akulanıń búyrekleri sıyaqlı qarın perdesi astında hám omırtqa baǵanasınıń eki tárepinde jaylasqan (30-súwret 6). Olar bir jup lentatárizli deneshelerge uqsap gewde boslıǵınıń basınan aqırına shekem sozılǵan. Búyreklerdiń aldınǵı ushı júdá keń bolıp, orta sızıqta bir-birine qosılıp ketedi. Hár qaysı búyrektiń ishki sheti boylap birewden sidik jolı ótedi, bul kanallar tómenirekte bir-biri menen qosılıp ketedi. Arqa tárepte sidik qaltashasına qosılatuǵın bir ulıwma kanaldı payda qıladı. Sidik qaltashası sidik aǵzalarınıń ushında arnawlı tesik penen ashıladı.
Jınıs sisteması. Hawa qaltashasınıń qaptal tárepinde jınıs bezleri jaylasqan. Urǵashı balıqtıń máyekligi mayda dánesheler sıyaqlı uzınshaq boladı. 30-súwret.


30-súwret. Urǵashı sazannıń sidik-jınıs organınıń keyingi bólimi
1-júziw quwıǵı, 2-tuxımlıq, 3-tuxım jolı, 4-sidik-jınıs sorıǵısh, 5-jınıs tesigi, 6-búyrekler, 7-sidik jolı, 8-sidik quwıǵı, 9-sidik tesigi, 10-ishek, 11-anal tesigi.

Onıń artqı sozılǵan bólimi máyek jolı esaplanıp, bir tesik arqalı sidik aǵzaları sorıǵıshına ashıladı. Erkek sazannıń tuqımlıǵı sıypaq hám uzınsha bolıp, ol dene boslıǵında urǵashılardaǵı máyeklik sıyaqlı jaylasqan, tuxım jolınıń keyingi bólimleri kelte tuxım shıǵarıwshı jolǵa aylanǵan bolıp, ulıwma jınıs tesik penen sidik sorıǵıshına ashıladı.

Laboratoriyalıq jumıs.
Sazan balıǵınıń skeleti sistemasi dúzilisi
Kishi tip Omırtqalılar – Vertebrata
Súyekli balıqlar klası – Osteıchthues
Nur qalashlılar kishi klası –Actinopterygii
Karp tárizliler úlken toparı – Cyprinomorpa.
Karp tárizliler toparı – Cypriniformes.
Karplar semiyası – Cyprinidae.
Wákilleri – sazan, taban, aq amur, aq dúńki mańlay.


Tayanısh sózler:Miy qutısı, bazaliy, radialiy, elastotrix, omırtqa baǵanası, karton qaǵaz, kley, iyne, visceral skeletke, giomandibulyar, gioid, korakoid, jawırın.