Ўзджтсу 65 ёшда! Спорт ўйинлари факультети

ОҒИР АТЛЕТИКА ВА ВЕЛОСПОРТ НАЗАРИЯСИ ВА УСЛУБИЯТИ КАФЕДРАСИ
Кафедра 1964 йилда ташкил топган. Уни 1964-1992 йилларда Ўзбекистонда хизмат кўрсатган жисмоний тарбия ва спорт ходими, Ўзбекистонда хизмат кўрсатган тренер, доцент, В.С.Аванесов бошқарган. 1992-1999 йиллар давомида педагогика фанлари номзоди, доцент, А.В.Паков, 2000-2004 йилларда педогогика фанлари номзоди, доцент, Ўзбекистонда хизмат кўрсатган мураббий Р.М.Маткаримов, 2005-2007 йилларда Ўзбекистонда хизмат кўрсатган маданият ходими, биология фанлари номзоди, доцент Е.Л.Кульков бошқарган. 
2007 йилга келиб кафедра Енгил атлетика, оғир атлетика ва велоспорт назарияси ва услубияти кафедраси сифатида қайта тузилди.
2007-2009 йилларда доцент, Р.М.Маткаримов. 2009-2013 йилларда педагогика фанлари номзоди, доцент, Н.Т.Тўхтабоев кафедра мудири этиб тайинланди. 2013-2018 йилларда педагогика фанлари номзоди, доцент, М.С.Олимов раҳбарлик қилди. 2018 йилдан оғир атлетика, велоспорт, от спорти назарияси ва услубияти кафедраси ташкил этилди. 2018-2019 йилларда профессор Р.М.Маткаримов кафедрага рахбарлик қилди. 2019-йилдан кафедра мудири лавозимига доцент в.б. А.З.Ходжаев тайинланди.
Кафедра салоҳияти
1964-2020 йиллар давомида Кафедрада 8 та педагогика фанлари номзоди, 10 та доцент 1 та профессор 31 та магистр, 10 та Ўзбекистонда хизмат кўрсатган мураббий, 11 та ҳалқаро тоифадаги ҳакамлар, 3 та Ўзбекистонда хизмат кўрсатган спорт устаси, 34 та Ҳалқаро тоифадаги спорт усталари, Осиё ва Жахон чемпионати ғолиб ва совриндорлари, Олимпия ўйинлари иштирокчилари тайёрланди. Кафедра профессор ўқитувчилари Осиё ва Жахон чемпионатларида мунтазам равишда ҳакам сифатида иштирок этиб келмоқда. 
Кафедрада шу кунгача оғир атлетика ва велоспорт назарияси ва услубияти, спорт педагогик маҳоратини ошириш фанлари бўйича 6 та дарслик, 20 дан ортиқ ўқув услубий қўлланмалар яратилган ҳамда 100 дан ортиқ илмий ва халқаро журналларда илмий мақолалар чоп этилган.
Ўзбекистонда хизмат кўрсатган спортчилар, жахон рекордчиси, Э.Ш.Каримов, 2 карра Осиё чемпиони, Осиё ўйинларининг 3 карра совриндори, 3 карра Олимпиада ўйинлари иштирокчиси И.Халилов, жаҳон чемпионатининг кумуш ва бронза медали соҳиби Улуғбек Алимов, силтаб кўтариш бўйича жаҳон чемпиони Достон Ёқубов, Осиё ўйинлари совриндори, Олимпия ўйинлари иштирокчиси Мансур Чашемов, Олимпиада ўйинлари иштирокчиси Шерзод Юсупов, Осиё ўйинлари кумуш медали соҳиби, Олимпия ўйинлари иштирокчиси Мурод Холмуродов, Пауэрлифтинг бўйича жаҳон чемпионати совриндори Султане Усеиновалар халқаро майдонларда юксак ютуқларга эришганлар. Уларнинг бу натижаларига эришишда кафедра профессор ўқитувчиларининг ҳиссалари катта.
Ёшлар ўртасида жахон чемпионати совриндори Фозилбек Ўразимбетов, Осиё чемпионати ғолиби ва рекордчиси Улуғбек Махмудов, Акобир Усманов, Осиё чемпионати совриндори Камил Боязитов, Осиё чемпионати кумуш ва бронза медали соҳиби С.Рахмонов, Осиё чемпионати ғолиби И.Гумеров, Осиё чемпионати совриндори Александр Скорабагатов, Осиё чемпионати кумуш медал сохиби А.Мамбеков, Осиё чемпионати совриндори Ш.Тураев, Осиё чемпионати совриндори, Зайнобиддин Маҳамадаминов, Осиё чемпионати ғолиби Мухаммадали Қахрамонов каби совриндорлар етишиб чиққан.
Аммо кафедра бу билан тўхтаб қолмоқчи эмас. Бу ерда бугунги кунда ҳам келажакда ўзбек спортини юксакларга олиб чиқувчи, мамлакатимиз байроғини кўкларга кўтарувчи спортчилар захираси шаклланиб келмоқда. Ишонамизки, улар келажакда акалари ўрнини босиб, жаҳон миқёсидаги спортчи бўлиб етишадилар.