Ўзджтсу 65 ёшда! Спорт ўйинлари факультети

ЎзДЖТСУ 65 ёшда!
СПОРТ ЎЙИНЛАРИ ФАКУЛЬТЕТИ
Мамлакатимизда жисмоний тарбия ва спортнинг оммавийлигини таъминлаш, соғлом турмуш тарзи асосларини шакллантириш, аҳоли ўртасида, хусусан, талаба-ёшлар орасида соғлом ҳаёт кечириш тамойилларини сингдириш, малакали, дунё спорт айвонида рўй бераётган воқеа-ҳодисаларга муносабат билдира оладиган, ўз юрти манфаатини муносиб ҳимоя қила оладиган, жисмонан ва маънан баркамол авлодни тарбиялашдаСпорт ўйинлари факультетининг ҳам алоҳида ўрни бор.
1955 йилда дастлаб Педагогика номи билан аталган мазкур факультетга Ўзбекистонда хизмат кўрсатган мураббийлар В. Шнуров, В. Шаров,
И. Куришкина,А. Плешаков, Е. Шатерниковлар раҳбарлик қилган. 1997 йилга келиб, факультет номи Спорт ўйинларига ўзгартирилди.
Ўтган давр мобайнида факультетга Ўзбекистон Республикаси фан арбоби, тиббиёт фанлари доктори О. Рихсиева, профессорлар А. Ливицкий,
Т. Юсупов, биология фанлари доктори, профессор Н. Раҳматов, педагогика фанлари номзоди О. Қурбонов, иқтисод фанлари номзоди Э. Маҳмудов, педагогика фанлари номзоди, доцентлар Ш. Абидов, А. Рихсиев, О. Ҳайитов, В. Рахимов, педагогика фанлари бўйича фалсафа (PhD) докторлари Н. Юсупов ва Ф. Мухаммаджоновлар раҳбарлик қилган. 2020 йил январь ойидан факультетни Норйигит Эрназарович Дусанов бошқариб келмоқда.
Бугун факультет таркибида волейбол, баскетбол назарияси ва услубияти, гандбол, теннис, бадминтон назарияси ва услубияти, футбол назарияси ва услубияти, қишқи спорт турлари кафедралари фаолият кўрсатади. (ўзгарган)
Ҳозирда факультетда 4 нафар профессор, 13 нафар доцент, 5 нафар педагогика фанлари бўйича фалсафа (PhD) доктори, 14 нафар катта ўқитувчи, 41 нафар ўқитувчи 1361 нафар кундузги ҳамда 809 нафар сиртқи бўлим талабаларига таҳсил бермоқда.
Азад Пўлатов, Раҳмонберди Бўриев, Илдар Кошбахтиев, Фирдеус Абдураҳмонов, Жасур Акрамов, Абдулла Ачилов, Шоислом Павлов, Темур Набиевлар факультет профессорлари саналишади.
Факультет таркибидаги кафедраларда таҳсил олаётган талабалар ёки битирувчиларнинг кўпчилиги турли спорт федерацияларининг терма жамоалари таркибида Осиё ва жаҳон чемпионатлари, халқаро турнирлар, фестивалларнинг ғолиб ва совриндорлари ҳам ҳисобланишади.
Факультет талабаларидан иборат гандбол терма жамоаси2015 йил 12-22 июль кунлари Италиянинг Перамо шаҳрида ўтказилган Жаҳон кубогидағолиб бўлишди. 2018 йил 22-30 декабрь кунлари гандбол бўйича йигитлар термажамоаси Жанубий ва Шарқий Осиё чемпионатида иккинчи ўринни эгаллашди. 2012 йил 3-10 декабрь кунлари Куала Лумпур шаҳрида Жанубий ва Шарқий Осиё чемпионатида гандбол бўйича қизлар ўртасида бўлиб ўтган мусобақада жамоамиз биринчи ўринни қўлга киритган. 2013 йил 3-10 май кунлари Бухоро шаҳри мезбонлик қилган “Универсиада – 2013” спорт ўйинларининг гандбол бўйича йигитлар ва қизлар ўртасидаги мусобақаларда ғолибликни тантана қилишган. 2019 йил 20-27 ноябрь кунлари Жиззах шаҳрида волейбол бўйича қизлар ўртасидаги Ўзбекистон кубогида университет қизлар жамоаси барча рақибларини ортда қолдириб, юқори шоҳсупадан жой олишди.
Футбол бўйича 2020 йил 8-26 январь кунлари (AFC) U-23 Осиё чемпионатида Ўзбекистон олимпия терма жамоаси таркибида 12 нафар талабалар асосий таркибда иштирок этишган. Бундан ташқари тоғ чанғиси бўйича Арман Гаюпов, волейбол бўйича Сулаймон Яхёпов, Муҳаммадқобул Қобулжонов, Зулфия Абдулхаева, Ферузахон Одилова, Оятхон Ёқубова, Дилмурод Саттаров, Азизбек Қўчқоров, Бахром Асқаров, баскетбол спорт тури бўйича Фаррух Искандаров, Муҳаммаджон Пўлатов, Абдулла Эргашев, Темур Арипов, Бахтиёр Насриддинов,гандбол спорт тури бўйича Нурхон Холмуродов, Азамат Каримов, Сайфуддин Султонов, Лутфия Уйесинова, Сарвиноз Мухидиллаева, Элёр Эшбоев, Санжар Аҳмедов, Ҳасан Аҳмедов, Сухроб Давронов, Ғанишер Тўғонбоевлар Ўзбекистон чемпионлари бўлишган.
Факультет битирувчиси – Ўзбекистон футбол ассоциацияси биринчи вице–президенти, Ўзбекистон Республикаси Жисмоний тарбия ва спорт вазирининг биринчи ўринбосари, ФИФА рефериси Равшан Эрматовни эса барча бирдек фахр билан тилга олади.
Қўйшимча фахрийлар, олимпиада ва жаҳон чемпеонлари ҳақида маълумотлар киритиш керак