Ўзбекистон респуликаси олий ва ўрта махсус таълим вазирлиги термиз давлат университети

Ҳаракатланиш техникасини ўргатиш методикаси
Ҳаракатланиш техникасига ўргатишни дастлабки машғулотларидан бошлаш керак бўлади. Ҳаракатланиш техникасини такомиллаштириш бутун спорт фаолияти давомида амалга оширилади.
Ҳаракатланиш техникаси ўргатиш жараёни қуйидаги ҳаракат сифатларини, яъни тезкорлик, эпчиллик, сакраш, тезланиш ва чидамлиликни тарбиялаш билан узвий боғлиқдир. Ҳаракатланиш техникасини ўрганаётганда кўпгина умумий ва махсус жисмоний тайёргарлик воситалари кўпроқ энгил атлетика, спорт ва ҳаракатли ўйинлардан фойдаланиш мумкин. Қуйидаги берилаётган бир гуруҳ махсус машқлар ҳаракатланиш техникасига оид алоҳида услуб ва усуллар ҳамда уларни бирикмаларини ўзлаштиришга қаратилган.
Старт тезлигини бурилиш ва тўхташни ўзлаштиришга қаратилган машқлар
1. Оддий югуришда старт тезлиги ва тўхташ
2. Чалиштирма қадамлашда старт тезлиги ва тўхташ.
3. Қолган оёқни жуфтлаб юришдаги старт тезлиги ва тўхташ.
4. Турли услубларда доиравий югуришдаги старт тезлиги ва тўхташ.
5. Бурилгандан сўнг тўғри ва доиравий турли услубда югуришда старт тезлиги старт
6. Турли старт ҳолатларида юқори ва пастки ярим чўққайиб, ётган ҳолатда старт тезлиги
Қуйидаги гуруҳ машқларини бажариш тезкорлик сифатини тарбиялаши билан бирга қўшиб олиб борилади.


Майдон ўйинчисининг техникаси
Майдон ўйинчисининг техникаси икки кичик бўлимдан иборат. Булар: бири ҳаракатланиш техникаси ва тўпни бошқариш техникасидир.
Майдон ўйинчилари ҳаракатланиш техникасининг юқорида таҳлил қилинган хилма-хил услублари, усул ва турларининг барчасидан фойдаланади.
Тўпни бошқариш техникасига қуйидаги услубгуруҳлари киради: зарба бериш, тўпни тўхтатиш, тўпни олиб юриш, алдаш ҳаракатлари (финтлар), тўпни олиб қўйиш. Бундан ташқари, қўлда бажариладиган ўзига хос усул - ён чизиқдан тўпни ташлаб бериш ҳам тўпни бошқариш техникасига киради.
Ўйин вақтида қайси усул қанча миқдорда ижро этилиши футболчиларнинг ўйиндаги функциясига (амплуасига) боғлиқ. Усулларни ижро этиш сифати эса майдон ўйинчиларининг ҳаммасида юксак даражада бўлиши керак.