Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти:
2010 йилда рўйхатга олувчи органи томонидан масъулияти чекланган жамияти (бундан буён матнда МЧЖ ёки Жамият ёхуд 1-жавобгар деб юритилади)нинг таъсис ҳужжатлари рўйхатга олинган.
Таъсис ҳужжатларига кўра, жамият устав фондининг (устав капиталининг) миқдори 100 000 000 сўмни ташкил қилинган ва қуйидагича тақсимланган:
устав фондининг 90 фоизи (ёки 90 000 000 сўм) акциядорлик жамияти (бундан буён матнда АЖ ёки давобгар деб юритилади)нинг улуши;
устав фондининг 10 фоизи (ёки 10 000 000 сўм) фуқаро А. (бундан буён 2-иштирокчи деб юритилади)нинг улуши.
АЖ ва фуқаро Б. (бундан буён 2-жавобгар деб юритилади) ўртасида 2016 йил 20 майда тузилган улушдан воз кечиш тўғрисидаги шартномага асосан даъвогарнинг жамият устав фондидаги улуши 2-жавобгар фойдасига воз кечган.
Ушбу шартнома ва жамият иштирокчиларининг умумий йиғилиш баённомаси асосида жамиятнинг таъсис ҳужжатларига жамият иштирокчилари сафидаги ўзгаришлари билан боғлиқ узгаришлар рўйхатга олинган.
Улушдан воз кечиш тўғрисидаги шартнома ўз-ўзидан ҳақиқий эмас деб ҳисоблаб, даъвогар судга улушдан воз кечиш тўғрисидаги шартномани ҳақиқий эмас деб топишни ва даъвогарнинг жамият устав фондидаги улушини тиклаш йўли билан ўз-ўзидан ҳақиқий бўлмаган битим ҳақиқий эмаслигининг оқибатларини қўллашни сўраган.


Даъвогарнинг важлари:
Улушдан воз кечиш тўғрисидаги шартнома АЖ номидан 2016 йил 1 июнга қадар муддатга берилган ишончнома асосида фуқаро С. (бундан буён ишончли вакил деб юритилади) томонидан имзоланган. Бироқ ишончнома билан ишончли вакилга фақат АЖ номидан имзо қўйишга ваколат берилганлиги, у томонидан тегишли қарор қабул қилиши эса махсус қарор (кузатув кенгаши ёки акционерларнинг умумий йиғилиши баённомаси) асосида амалга оширилиши лозим бўлган.
Ишончли вакил томонидан АЖга амалга оширилган ҳаракатлари юзасидан маълумотнома тақдим этиши ва ишончнома муддати тугаганидан кейин ишончномани даъвогарга қайтарилиши лозим эди. Бироқ бундай маълумотномалар тақдим этилмаган ва ишончнома қайтарилмаган, бу эса ишончли вакил томонидан улушдан воз кечиш тўғрисидаги битимни тузилганлигини астойдил яширилганлигидан далолат беради.
Жамият устав фондидаги улушдан воз кечиш тўғрисидаги шартнома АЖ учун йирик битим ҳисобланади ва қонун ҳужжатларига мувофиқ жамият акциядорлар умумий йиғилишнинг розилигини олдиндан олиш лозим эди.
Баён этилганларга ва Фуқаролик кодексининг 116, 124 ва 116-моддаларига биноан шартнома ҳақиқий эмас деб ҳисобланади.