Ўзбекистон республикаси қурилиш вазирлиги тошкент архитектура қурилиш институти мухандислик курилиш инфраструктураси факултети

ЎЗБЕКИСТОН РЕСПУБЛИКАСИ ҚУРИЛИШ ВАЗИРЛИГИ
ТОШКЕНТ АРХИТЕКТУРА ҚУРИЛИШ ИНСТИТУТИ
МУХАНДИСЛИК КУРИЛИШ ИНФРАСТРУКТУРАСИ ФАКУЛТЕТИ
“Қурилиш материаллари буюмлари ва конструкциялари ишлаб чиқариш” мутахассислиги
Темир бетон конструкцияларни лойиҳалаш фанидан
Мустакил иш
Мавзу: Пайвандланган ва симли арматура махсулотлари.

Бажарди: КМБ-18 гурух
магистранти: Солижонов Хожиакбар.
Кабул килди: проф. Х.А.Акрамов.

Тошкент 2019й
Пайвандланган арматура маҳсулотлари
Пайвандланадиган арматурали тўрлар ва синчлар асосан корхона­ларда тайёрланади. Синчлар ва тўрларнинг кўндаланг ва бўйлама стерженлари, асосан, тўғри бурчак остида нуқтали контакт усули билан электр – пайвандловчи машиналарда пайвандланади. Тўр ва синчларни пайвандлаш машинасида тайёрлаш арматура ишла­рини индустриялаштириш, меҳнат унумдорлигини ошириш ва арматура тайёрлаш иш­ларини арзонлаштириш имконини беради. Пайвандланган тўрлар диаметри 3–5 мм бўл­ган оддий сим ва синфи A–III бўлган диаметри 6–10 мм дан иборат бўлган арматура стерженларидан стандарт бўйича тайёрланади. Тўрлар рулон ва ясси ҳолатда бўлади (1.14–расм). Рулонли тўрларда бўйлама стерженларнинг энг катта диаметри 6 мм қабул қилинади. Тўрларда ишчи арматура бўйлама ёки кўндаланг жойлашиши мумкин. Ишчи стерженларга перпендикуляр жойлашган стерженлар тақсимловчи арматура дейилади. Бир вақтнинг ўзида тўрнинг иккала йўналишда жойлашган стерженлари ишчи стержен бўлиши мумкин. Тўрнинг эни 3800 мм, узунлиги эса лойиҳа бўйича қабул қилиниб, 9000 мм дан ошмаслиги керак. Рулон тўрнинг оғирлиги 900–1300 кг дан ошмаслиги керак.
Пайвандланган синчлар бир ёки иккита бўйлама ишчи стерженлар, монтаж стерженлари ва уларга кўндаланг бўлган стерженлар ёрдамида тайёрланади (1.1–расм, а). Бўйлама ва кўндаланг стерженларнинг тўрдан чиқариб қолдириладиган учларининг узунликлари 0,5d₁+d₂ ёки 0,5d₂+d₁ ва 20 мм дан кам бўлмаслиги керак. Фазовий синчлар ясси синчлардан ташкил топиб бир бири билан бириктирувчи стерженлар орқали пайвандлаб тайёрланади. (1.1–расм, б).
Тўр ва синчларни тайёрлашдаги пайвандлаш сифати пайвандланаётган кўнда­ланг ва бўйлама стерженларнинг диаметри орасидаги нисбатга d₁/d₂ боғлиқ ва 1/3…1/4 дан кам бўлмаслиги керак. Пайвандланадиган стерженлар ўқлари орасидаги масофа­нинг энг кам миқдори ҳам стерженлар диаметрига боғлиқ.