Ўзбекистон Республикаси Соғлиқни сақлаш вазирининг

2.3.3. Физикал текширувлар ва ташхислаш усуллари 
Физикал текширув – бу БЭни дастлабки баҳолашнинг бир қисмидир. У БЭ, ёки
эндокринопатия, Пейрони касаллиги, уретрит ёки простатит каби бошқа жинсий 
дисфункциялар билан боғлиқ бўлган касалликларни аниқлаш учун қон томир, эндокрин ва 
нерв тизимларини қисқача баҳолашни ўз ичига олади. Лаборатор ёки физиологик 
текширувлар анамнез ёки физикал текширувнинг ўзига хос маълумотлари асосида 
ўтказилиши керак, аммо бунда уларни ўтказиш мажбурий эмас [301]. 
Барвақт эякуляцияни ташхислаш бўйича клиник тавсиялар 
 
Тавсиялар 
ТД 
БЭ ташхислаш ва таснифлаш тиббий ва жинсий анамнезга асосланган. ИЭЛВ 
кўрсаткичлари, сезиларли бошқарув даражаси, дистресс ва эякулятор 
дисфункция туфайли муносабатлардаги қийинчиликлар баҳолаши керак. 
Кучли
Клиник амалиётда ИЭЛВни секундомер ёрдамида ўлчаманг. 
Кучсиз 
Бемор тавсифлаган оқибатларни (БТО) клиник амалиётда қўлламанг. 
Кучсиз 
БЭ ёки бошқа жинсий бузилишлар, айниқса ЭДнинг асосида ётган 
бузилишларни аниқлаш мақсадида БЭни бошланғич баҳолаш учун физикал 
текширув зарур.
Кучли 
Мунтазам лаборатор ёки нейрофизиологик текширувларни ўтказиш тавсия 
этилмайди. Улар фақат анамнез ёки физик текширувдан олинган аниқ 
маълумотлар асосида буюрилиши керак. 
Кучли 
2.4. 
Даволаш
Кўпгина жуфтликлар учун БЭ одатда жиддий муаммолар туғдирмайди. Бундай 
ҳолларда даволаниш психосексуал маслаҳат билан чекланиши мумкин. Даволашни 
бошлашдан олдин беморнинг тахминлари батафсил муҳокама қилиниши керак. ЭД ва 
сурункали простатит мавжудлигида БЭни даволашдан олдин ёки бир вақтнинг ўзида ушбу 
касалликлар даволаниши керак. Турли хил аҳлоқий техникалар БЭни даволаш учун 
фойдали эканлиги намоён қилинган ва медикаментоз даволашни ёмон қабул қиладиган 
беморларга буюрилади. Бирламчи БЭда аҳлоҳий терапия биринчи қатор терапияси 
сифатида тавсия этилмайди. Улар узоқ вақт ва шерикнинг қўллаб-қувватлашини талаб 

---

247 
қилади ва уларни ижро этиш қийин бўлиши мумкин. Бундан ташқари, аҳлоқий
техникалардан узоқ муддатли фойдаланишнинг натижалари номаълум. Фармакотераия 
бирламчи БЭни даволашнинг асоси ҳисобланади. Дапоксетин – «талабга биноан» 
қўлланилувчи, АҚШдан ташқари кўпчилик давлатларда БЭни даволаш учун рўйҳатдан 
ўказилган ягона дори воситаси. Бошқа дори воситалари йўриқномадан ташқари 
қўрсатмалар асосида (off-label) қўлланилади. Бундан ташқари БЭни даволашда 
антидепрессантлар, жумладан серотониннинг қайта қамрови селектив ингибиторлари 
(СҚҚСИ) ва трициклик антидепрессант кломипрамин ҳамда маҳаллий анестетикларни 
«талабга биноан» қўллаш самарадор. Медикаментоз терапиянинг узоқ муддатли 
натижалари номаълум. Ҳозирда қўлланилаётган барча даволаш усулларининг илмий 
асосланган таҳлили ўтказилган. Исботланганлик даражаси ва тавсиялар даражаси, 
шунингдек даволаш алгоритми 4-расмда келтирилган.