Ўзбекистон Республикаси Соғлиқни сақлаш вазирининг

2.3. 
Барвақт эякуляцияни ташхислаш 
БЭни ташхислаш беморнинг тиббий ва жинсий анамнезига асосланади [301, 302]. 
Анамнезда БЭ бошланғич ёки орттирилганлиги ва вазиятга боғлиқлиги (шерик билан 
боғлиқ бўлган ўзига хос ҳолатлар туфайли) ёки доимийлиги кўрсатилиши керак. 
Эякуляция давомийлиги, жинсий стимуляция даражаси, унинг жинсий фаоллик ва ҳаёт 
сифатига таъсири, гиёҳванд моддаларни истеъмол қилиш ёки гиёҳванд моддаларга 
қарамликка алоҳида эътибор берилиши керак. Шунингдек, БЭ ва ЭДни фарқлаш 
муҳимдир. Кўпгина ЭД мавжуд бўлган беморларда эрекцияга эришиш ва уни ушлаб 
туришдаги қийинчиликлар билан боғлиқ ҳавотирлик туфайли иккиламчи БЭ ривожланади 
[272, 303]. Бундан ташқари, баъзи беморлар эякуляциядан кейин эрекциянинг йўқолиши 
табиий ҳолат эканлигини ва ЭД бўйича нотўғри шикоят қилишлари мумкинлигини 
билишмайди, гарчи ҳақиқий бузилишлар бу БЭ бўлса ҳам [304]. 4 та умумий омилга эга 
бўлган БЭнинг бир нечта такрорланадиган таърифлари мавжуд (7-жадвал), бу кўп ўлчовли 
ташхис қўйиш имконини беради [305]. 
7-жадвал. ЭДнинг турли таърифларидаги умумий хавф омиллари 
 

ИЭЛВ кўрсаткичлари бўйича эякуляциягача бўлган вақт 
 

Эякуляцияни сезиларли тарзда бошқара олиш 

Дистресс 

ЭД туфайли юзага келган шерик билан муносабатлардаги қийинчиликлар
2.3.1. Интравагинал эякуляциянинг латент вақти (ИЭЛВ) 
Фақатгина ИЭЛВ кўрсаткичидан фойдаланиш БЭни аниқлаш учун етарли эмас, 
чунки БЭ мавжуд бўлган ва бўлмаган эркакларда у сезиларли даражада мос келади [306, 

---

245 
307]. Бундан ташқари, ИЭЛВ кўрсаткичи эякуляцияни сезиларли даражада бошқариш 
билан бевосита боғлиқ, аммо у стресс ва жинсий алоқадан қониқиш мавжудлигини 
баҳолаш имконини бермайди [308]. Эякуляцияни бошқара олиш уруғ чиқариш вақти ва 
жинсий алоқадан қониқиш билан боғлиқ бўлган беморнинг хавотирга тушишига бевосита 
ва сезиларли таъсир кўрсатади (ҳар бир кўрсаткич эякуляция билан боғлиқ бўлган 
муносабатлардаги қийинчиликларга бевосита таъсир қилади). Клиник амалиётда 
беморнинг ўзи томонидан ўлчанган ИЭЛВ кўрсаткичи етарли [309]. Мустақил ўлчанган 
ИЭЛВ кўрсаткичлари бир-бирининг ўрнини босади ва 80% сезувчанлик ва 80% 
спецификлик билан БЭ ҳолатини тўғри кўрсатиб беради [310]. ИЭЛВ кўрсаткичи ва 
эякуляцияни бошқариш бўйича бемор тавсифлаган оқибат (БТО) ва жинсий алоқадан 
қониқиш бўйича (0дан - жуда заиф – 4гача - жуда яхши), шунингдек, шахсий тушкунликка 
тушиш ва муносабатлардаги қийинчилик (0 дан – мавжуд эмас - 4 гача - ортиқча) 
кўрсаткичларини бирлаштириш спецификликни 96% гача яхшилаш имкони беради 
мумкин. Бунда мустақил ўлчанган ИЭЛВ кўрсаткичи бир минут баланд қилиб 
кўрсатилиши мумкин, шунинг учун бемор бирламчи БЭ билан мурожаат қилганда ИЭЛВ 
секундомер билан ўлчаниши керак [311]. Kлиник синовлар учун ИЭЛВ кўрсаткичини 
секундомер билан ўлчаш зарур. ИЭЛВ – БЭни баҳолаш учун объектив кўрсаткич 
бўлишига қарамасдан, яқинда ўтказилган тадқиқотда мустақил равишда эякуляциягача 
бўлган вақтни ўлчашдан кўра беморнинг жинсий алоқадан қониқиши ва хавотири
эякуляцияни бошқара олиш билан кўпроқ коррекляция қилиши аниқланган [312].