Инвентарь ҳисобини ташкил этиш

2.2. Корхонада асосий воситалар инвентарь ҳисобини ташкил этиш, унинг бухгалтерия ҳисобидаги зарурати ва вазифалари.

Aсосий воситаларнинг бухгалтерия ҳисоби бирлиги бўлиб инвентар обйекти ҳисобланади. Aсосий воситаларнинг инвентар обйекти сифатида барча қурилмалари ва жиҳозларига ега бўлган обйект ёки муайян мустақил вазифаларни бажариш учун мўлжалланган алоҳида конструктив асосдаги буюм ёхуд бутун бир яхлитликни ифодаловчи ва муайян ишларни бажариш учун мўлжалланган конструктив жамланган буюмларнинг алоҳида мажмуи тан олинади. Конструктив жамланган буюмларнинг мажмуи — умумий мосламаларга ва жиҳозларга, умумий бошқарувга ега, бир пойдеворда қурилган, натижада мажмуага кирувчи ҳар бир буюм ўз вазифасини мустақил равишда емас, балки фақатгина мажмуа таркибида бажара оладиган бир ёки турли мақсадларга мўлжалланган битта ёки бир нечта буюмлардир.

Битта асосий воситада турлича фойдали фойдаланиш муддатига ега бир нечта мустақил обйектлар мавжуд бўлганда, ҳар бир бундай обйект бухгалтерия ҳисобида алоҳида мустақил инвентар обйект сифатида тан олинади.
Икки ёки ундан ортиқ корхона мулки бўлган асосий воситалар ҳар бир корхона томонидан асосий воситалар таркибида унинг умумий мулкдаги улушига мутаносиб тарзда акс еттирилади.

Aсосий воситаларнинг ҳақиқатда мавжудлигини аниқлаш ва уларнинг бут сақланишини назорат қилиш мақсадида “ЎЗВАГОНТАЪМИР” АЖ корхонаси томонидан вақти-вақти билан, бироқ икки йилда камида бир марта асосий воситалар инвентаризацияси ўтказилади. Aсосий воситалар инвентаризацияси Ўзбекистон Республикаси Молия вазирлиги томонидан 1999-йил 19-октабрда ЕГ/17-19-2075-сон билан тасдиқланган Ўзбекистон Республикаси Бухгалтерия ҳисобининг миллий стандарти (19-сонли БҲМС) “Инвентаризацияни ташкил қилиш ва ўтказиш”да (рўйхат рақами 833, 1999-йил 2-ноябр) белгиланган тартибда амалга оширилади.Инвентаризация жараёнида аниқланган ортиқча асосий воситалар бошқа операцион даромадлар сифатида акс еттирилади. Инвентаризация вақтида камомад факти аниқланган йетишмаётган асосий воситалар айбдор шахслар аниқланган кунга қадар камомадлар ҳисобга олинадиган счётда акс еттирилади.Aсосий воситаларнинг баланс қиймати уларнинг ҳақиқий (жорий) қийматига мос келмаслиги аниқланган ҳолатда ошириш ёки камайтириш мазкур стандартнинг 27-бандига мувофиқ амалга оширилади.