Альцгеймер касаллиги

Альцгеймер касаллиги
АК-нейродегенератив касаллик бўлиб ҳисобланиб, 1906 йилда немис психиатри Алоис Альцгеймер томонидан 1-марта аниқланган. Бу касаллик асосан 65 ёшдан катта бўлган қарияларда учрайди, лекин кейинги йилларда бу касаллик ёшариб бормоқда, яъни 4045 ёшли кишиларда учраб турибди.

Бутун дунё бўйича статистик кузатувларга кўра, АКнинг учраш динамикасига эътибор берадиган бўлсак, 2006 йилда бу касаллик билан касалланган беморларнинг сони 26, 6 млн киши бўладиган бўлса, 2010 йилда эса 40 млн.ни ташкил этади. 2050 йилда бу касаллик билан касалланган кишиларнинг сони 100 млн. етиши яъни 4 баробарга ошиши аниқланган. АК касаллиги кенг тарқалган касаллик ҳисобланади, умумий касалликнинг 35%-40%ини ташкил этади.

Альцгеймер касаллиги-аянчли касалликдир, Организмда унинг кечиши 15-20 йилларгача сезилмайди. Бу касаллик билан асосан бош мия ҳужайралари секин –аста ўзининг функциясини бажармай ўлиши натижасида юзага келади ва бундан интеллект, хотиранинг бузилиши ҳамда эмоционал ва хулқ-атвор соҳаларида муаммолар юзага кела бошлайди. Бу касалликнинг кечиши хар бир инсонда хар хил ўтади. 1-сезиларли аломатлардан хотиранин бузилиши ёки пасайиши, яқинда ўқиган ахборотни эслай олмасликдир. Касалликнинг кейинги аломатлари чалкашлик, салга тутақиб кетиш, агрессиялик, кайфиятнинг тез ўзгарувчанлиги, афазия- гапириш қобилиятининг бузилиши ва айтилган гапни тушунмаслий, кўп йиллик хотиранинг йўқолишидир. Касалликни аниқлагандан кейин ўртача бемор киши 7 йилга яқин 30% қариялар эса 14 йилгача яшайдилар.

Альцгеймер касаллигининг механизми ҳалигача тўлиқ ва аниқ ўрганилмаган. Лекин олимларнинг аниқлашларича, амилоид оқсилларининг мия тўқималарида йиғилиши ва амилоид оқсилининг структурасининг ўзгаришидан келиб чиқиши аниқланган. Яъни мия тўқималарида нейрофибрилляр тугунларнинг кўпайиб кетиши ва амилоид оқсилларининг нейронларни қоплаб олиши ва унинг ичига кириб боришидан нейронлар ҳалок бўлади.

Замонавий даволаш усуллари бу касалликни тўла даволай олмайди балки касаллик аломатларини бироз пасайтиради холос. Касалликни олдини олиш мумкинми? Деган савол туғилиши мумкин-мумкин, бу парҳез, аклий фикрлашни стимуллаш ва жисмонан машқлар билан шуғулланиш кераклигини шифокорлар тавсия этишади.

Касалликнинг кечишига қараб 4 босқичга бўлиш мумкин:

1) предеменция-деменция олди босқичи- бу босқичдаги 1-аломатларларни қарилик билан алмаштириш мумкин. Аломатлардан: хотиранинг пасайиши, кам вақт ўтишига қарамасдан ўқиган ёки ёдлаган маълумотларни эслай олмаслик, янги маълумотларни ўзлаштира лдмаслик ҳолатлари кузатилади. Фикрни йиғиб олиш, режалаштириш, абстракт фикрлай олиш, сўзларнинг аҳамияти моҳиятини англаб етмаслик кузатилади. Бу босқичда беморларда апатия кузатилиб, бу аломатлар нейропсихиатрик аломатларга кириб бу аломатлар касалликнинг охирги босқичигача кузатилади. Бу босқични бемор касалка ташҳис қўйилишидан 8 йил олдин ўзида ўтказган бўлади.