Ўзбекистон республикаси олий ва ўрта махсус таълим вазирлиги ўзбекистон республикаси соғЛИҚНИ

Декомпенсацияланган ўпка юраги.
Бу беморларда юқорида кўрсатилган клиник симптомлар билан бирга веноз қон томир оқимида димланиш бўлиб, қон айланиш доирасида ўзгаришлар рўй беради. Сезиларли равишда марказий веноз босим ошади.
Ифодаланган цианоз декомпенциялашган ўпка юрагининг муҳим белгисидир. Ўнг қоринча етишмовчилиги бошланишда ўпка юраги беморларда цианоз аралаш характерда бўлади. Тери диффуз кўкариш ҳолатига келиб лаблар, бармоқлар, бурун учи қулоқларнинг кучли кўкариши кузатилади. Характерлиси шундаки веноз оқимда сурункали димланиш ва катта қон айланиш доирасида димланиш бўлса ҳам оёқ ва қўллар иссиқ бўлади, бу ҳолат периферик қон томирларнинг вазодилятацияси ва гиперкапнияси билан боғлиқ. Истисно сифатида оғир кечувчи касалликда, юрак зарб ҳажми пасайиб кетган ҳолларда юқорида кўрсатилган иссиқ цианоз кузатилмайди.
Декомпенсациялашган ўпка юрагидаги оёқларда шиш пайдо бўлиши қон айланиш доирасидаги димланиш билан ва гидростатик босимнинг ошиши билан боғлиқ. Организмда натрийнинг ушланиб қолиши, РААС фаоллиги ошиши ва алдостерон гормони ва антидиуретик гормонлари билан боғлиқ. Бўйин веналарининг бўртиши муҳим клиник белги бўлиб, ЦВД ошиши катта қон айланиш доирасида димланиш билан боғлиқ. Бўйин веналарининг бўртиши осбтруктив бронхит беморларида айниқса йўтал қийнаб балғам кўчиши қийин бўлганда ва бронхиал астма хуружларида кузатилади. Оғир ҳолларда абдоминал югуляр рефлекси бўлади: қориннинг олдинги деворини қўл билан босганда бўйин веналарининг бўртиши катталашади. Эслатиш керакки нормада жигар босиб кўрилганда ўнг қоринчанинг қисқариш қобилияти яхши бўлганда бўйин веналари бўртмайди ва ЦВД катталашмайди. Ўнг қоринча етишмовчилиги ва насос функцияси пасайганда абдоминал югуляр синама бўйин веналарининг бўртишига ва ЦВД нинг ўсишига олиб келади.
Баъзан ўнг қоринча етишмовчилигида юзлар салқиган, тери сарғиш-оқарган, лаблар кўкарган бурун учи ва қулоқлар кўкарган, оғиз ярим очилган, кўзлар сўлғин ҳолатда бўлади, оҳир оқибатда сурункали ўнг қоринча етишмовчилигининг терминал босқичида “юрак кахексияси” ривожланиб қорин бўшлиғи аъзосининг бузилиши дарвоза венасининг димланиши: ичакларда сўрилишнинг ёмонлашувига, жигарнинг оқсил синтез функцияси пасайиши, ифодаланган анорексия, қайд қилиш, кўнгил айниш кузатилади.