Ўзбекистон республикаси олий ва ўрта махсус таълим вазирлиги ўзбекистон республикаси соғЛИҚНИ

Электрокардиография.
ЭКГда ўпка юраги беморларда ўнг қоринча ва ўнг бўлмачанинг гипертрофия белгилари аниқланади. Энг эрта аниқланувчи белгиларидан бу – II-III, AVF тармоқларида р-тишчанинг юқори амплитуда ва ўткир учли бўлиши (P-pulmonale). Кейинчалик ЭКГда ўнг қоринча гипертрофияси кузатилади. Ўпка артериясидаги босим даражасига қараб, ўнг қоринчанинг мушак вазни ошиши ва ўпка эмфиземасининг ифодаланганлигига қараб ЭКГда қуйидаги ўзгаришлар бўлиши мумкин: 1-тип:

1. 
   V1 тармоғида QRS rSR типида бўлади.
   
2. 
   R-тишчанинг V1 тармоғида катталашиши, S-тишчанинг V5-V6 тармоғида катталашиши, бунда RV1>7mm ёки RV1+SV6>10.5mm
   
3. 
   Юрак ўқининг соат стрелкаси томон ҳаракати белгиси (ўтиш зонаси чапга силжиган) V5-V6 тармоқларида QRS RS типида бўлади.
   
4. 
   Кўкрак тармоғида ички оғиш 0.03 сек.дан катта бўлади.
   
5. 
   III, AVF, V1, V2 тармоқларида RS-Т пастга тушиб манфий Т тишча пайдо бўлади.
   
6. 
   Электр ўқи ўнгга силжиган бўлади (альфа бурчак>+100)
   

2-тип:
Чап қоринчанинг миокард вазни анча ошганда ва ўнг қоринчанинг ифодаланган гипертрофиясида qR аниқланади. Бунда қуйидаги ЭКГ ўзгаришлар бўлади.

1. 
   V1 комплексида QRS, QR ёки qR типида бўлади.
   
2. 
   R тишчанинг V1 тармоғида, V5-V6 тармоқларида S тишча амплитудасининг узайиши кузатилади. Бунда RV1>7mm ёки RV1+SV6>10.5mm. ўтиш зонасининг чапга силжиши V5-V6 тармоқлари томон V5-V6 комплексида QRS RS типида бўлади.
   
3. 
   Кўкрак тармоғида ички оғиш 0.03 сек.дан катта бўлади.
   
4. 
   III, AVF, V1, V2 тармоқларида RS-Т пастга тушиб манфий Т тишча пайдо бўлади.
   
5. 
   Электр ўқи ўнгга силжиган бўлади (альфа бурчак>+100)
   

Шундай қилиб, ўнг қоринча гипертрофиясидаги ЭКГ ўзгаришларининг асосий фарқи V1 тармоғидаги QRS комплекси формасига боғлиқ бўлади.
3-тип:
ЭКГнинг S-типида ўпка юрагида эмфизема касалликлари бўлган беморларда гипертрофияга учраган юрак кескин орқага силжийди (эмфизема ҳисобига).

1. 
   Ҳамма кўкрак тармоқларида QRS комплекси rS ёки RS типида бўлиб, чуқур S бўлади.
   
2. 
   Стандарт тармоқларда кўпинча SISIISIII синдроми бўлади.
   
3. 
   Юракни соат стрелкаси бўйича ўз ўқи атрофида айланиш белгиси (ўтиш зонаси чапга силжиган, V5-V6 тармоқларида QRS комплекси RS типида бўлади).
   
4. 
   Юрак электр ўқининг вертикал позицияси аниқланади.