Ўзбекистон республикаси олий ва ўрта махсус таълим вазирлиги ўзбекистон республикаси соғЛИҚНИ

4. Альфа адреноблокаторлар бу дорилар веноз ва артериал қон томирларини кенгайтириб ОПСС ни туширади ва ўпка томир қаршилигини пасайтиради. Бундан ташқари вена томирларида қон депоси ҳосил бўлиб, юракка қон бориши камайиб ўнг қоринчанинг преднагрузкаси пасаяди. Бу дорилар (ортостатик коллапс) чақиришини ҳисобга олиб ўпка юраги беморларига минимал суткалик дозада белгиланади. Шу мақсадда специфик дори доксосазин 0,5-2 мг гача қўлланилади. Доксосазин қон босимини туширишдан ташқари тромбоцитлар агрегациясини камайтиради ва қоннинг фибринолтик фаоллиги ошади, липидлар спектри ошади (ЛВП ошади, ЛНП ва триглицеридлар камаяди). Бу дорилар ўпка юраги билан эссенциал гипертония қўшилиб келганда қўллаш эффекти яхши бўлади. Шуни эсда тутиш лозимки баъзан вазодилататорлар ўпкада газ алмашинувини ёмонлаштиради. Масалан ўпка артериолаларида тонус пасайиб, ўпканинг бошқа участкасида қон айланиши кучайса (яллиғланиш ва фибринозли жараёнларда), баъзан перфузия вентиляцион нисбати ёмонлашади, айниқса вазодилататор дорилари адекват равишда коррекция қилинмаса. Бу эса артериал гипоксемияни чуқурлаштириб, механик ўпка гипоксик вазоконстрикцияни фаоллаштиради. Бунинг натижасида ўпка артериясида босим янада ошади.
Айрим ҳолларда, вазодилататорлар таъсири натижасида ўпка томирлари қаршилигининг камайиши ва ўнг қоринчада постнагрузканинг камайиши минутлик ҳажмнинг ошиши билан давом этиши мумкин (ўнг қоринчанинг систолик функцияси сақланган ҳолда). Бу ўпка артериясида босим ошишига олиб келувчи факторлардан бири ҳисобланади. Шунингдек, айрим вазодилататорлар билан даволаганда рефлектор тахикардия келиб чиқиши мумкин.
Ва ниҳоят бу дорилардан қон босимининг критик тушишида АПФ-ингибиторларидан фойдаланилади.
Шундай қилиб ўпка юраги бор беморларда АПФ-ингибиторлари, нитратлар ва альфа 1 адреноблокаторлар жуда эхтиёткорлик билан қўлланилади. Қон босими, пульс ва умумий қон циркуляцияси ва ўпканинг функционал ҳолатини ҳисобга олиш даркор. Бу дориларни қўллашдан мақсад ўпка вентиляциясини бузилишини тўғри коррекция қилиш ва ўпка бронх касалликларини даволашдан иборат.