Ўзбекистон республикаси олий ва ўрта махсус таълим вазирлиги ўзбекистон республикаси соғЛИҚНИ

Гемореологик бузилишларни ва тромбоцитлар агрегациясини коррекция қилиш.
Қон уюшқоқлигининг ошиши, тромбоцитлар агрегацияси, қоннинг қуюқланишдаражаси сурункали ўпка юрагида ўпка томир қаршилигига ва касалликнинг оқибатига сезиларли таъсир қилади. бундан ташқари бу бузилишлар ўпка томирларида майда тромблар ҳосил бўлишига ва ўпка АГ сини ривожланишига олиб келади. Шу сабаб қоннинг реологик бузилишини ва тромбоцитлар агрегациясини коррекция қилиш муҳимдир.
Бу усуллардан бири: Қон чиқариш 200-300 мл. Бу усул гемотрокрит 55-60% бўлганда ва ўпка артериясида босим катта бўлганда қўлланилади.
Кичик молекуляр гепарин. Кичик молекуляр гепарин билан (фраксипарин 0,6 дан 2 марта суткасига тери остига) даволаш биринчи навбатда ўпка артерияларида қайталаниб турувчи майда тромбоэмболияларда қўлланилади. Ушлаб турувчи дозаларда ўпка юраги бор беморларда 3-6 ой давомида ўтказиш мумкин.
Реополиглюкин венага томчилаб 200-400 мл ҳафтада 2 маротаба Трентал ичишга 100-200 мг.дан суткасига 2-3 марта.
Ўнг қоринча етишмовчилигидаги даволаш ҳусусияти.
Декомпенсациялашган ўпка юрагини даволашда диуретиклар, АПФ ингибиторлари ва баъзан юрак гликозидлари қўлланилади. Диуретиклар ўнг қоринча етишмовчилик белгилари пайдо бўлганда, шиш синдроми ва ОЦК баланд бўлганда қўлланилади. Кучли таъсир қилувчи диуретиклар кичик дозаларда бериб борилади ва аста-секин дозаси кўтарилади. Қон босими ва ОЦК тушиб кетиш эҳтимолини эътиборга олиш лозим. Диуретикларни катта дозада пала-партиш белгилаш алколозга олиб келиши мумкин. Бу эса гиперкапнияга сабаб бўлади. Нафас марказини СО2 га сезгирлиги пасайиши ўпка вентиляциясининг ёмонлашишига ва ўпка артериясида босим ошишига олиб келади.
Юрак гликозидлари. Бу дориларни қўллаш чегараланган, авваламбор бўлмачалар фибрилляцияси асоратини ва чап қоринча етишмовчилиги белгиларини ҳисобга олиш даркор. Кичик дозаларда қўлланилади, масалан, дигоксин 0,25 мг суткасига бир марта. Бошқа ҳолатларда юрак гликозидлари эффекти кам, чунки улар ўпка артериал гипертензиясини ва ўпка томир қаршилигини пасайтирмайди. Бундан ташқари ўнг қоринча қон хайдаб чиқаришни кучайтиради, бу эса ўпка артериясида босимни оширади. Шуни эътиборга олиш керакки юрак гликозидлари қўлланилганда гликозид интоксикацияси келиб чиқиб, ҳар хил юрак ритми бузилишларига олиб келади, шунинг учун бу дорилар одатда қўлланилмайди.