Ўзбекистон республикаси олий ва ўрта махсус таълим вазирлиги тошкент давлат шарқшунослик институти

Ожиз шоҳ Дхритараштра образи Пандузодалар вояга етгунча Хастинапур тахтининг шоҳи этиб тайинланган. Кўзи кўр бўлганлиги сабабли тахтни асосан унинг амакиси Бхишам ва укаси – вазир Видур бошкарадилар.
Мансабпараст Дурьйодхан образи. Дхритараштранинг энг катта ўғли, унинг яна тўқсон тўққизта укаси бор. Улар тоғаси Шакуни бошчилигида доим Пандузодаларни Ҳастинапур тахтидан четлатиш учун турли хил найранглар ўйлаб топиб уларни амалга ошириш мақсадида кўп ҳаракат қилиб юрадилар, лекин доим ютказиб келадилар.
Асарда яна бир ажойиб қаҳрамон борки у ҳам ижобий, ҳам салбий образ қаторига киритилиши мумкин. Ижобийлиги шундаки, у аслида Кунтининг бош фарзанди. Кунти қиз бола вақтида билмасдан маъбудлар унга тақдим этган дуони синаб кўриш мақсадида ўқиб кўради ва ўзи билмаган ҳолда маъбудлардан ўғиллик бўлиб қолади, лекин ҳали қиз бола бўлганлиги сабабли билмай ўқиб қўйган дуоси учун олган ўғил чақалоқни жамиятда ёмон отлик бўлмаслик учун сувга биронта инсон боқиб олар деган ниятда оқизиб юборади ва бу чақалоқни ҳастинапурлик бир камбағал оила боқиб олади. Болага ота-онаси Карн деб исм қўядилар ва у йиллар ўтиб жуда ақлли, жисмонан кучли, ҳақпарвар, ўта садоқатли ҳамда халқпарвар йигит бўлиб етишади. Ёшлигидан у Дурйодхан билан дўст тутинади, Дурйодхан унга кўп яхшиликлар қилади, Карн бунга жавобан умрининг охиригача Дурйодханга садоқатли дўст бўлиб қолади ва бу дўстлик туфайли у ноҳақлар томонида туриб ҳақ бўлган пандузодаларга қарши курашади. Карн ҳам камон отишда Аржундан, куч қудратда Бхимдан, ақл-завоватда Юдхиштхирдан қолишмас эди. Лекин унинг одоби, садоқати ва ўта виждонлилиги дўсти Дурйодханни ярим йўлда ташлаб кетишига йўл қўймасди ва доим унга содиқ қулдек хизмат қилиб келади. Натижада ҳақиқатдан бехабар Карн ўзининг қондош укаларига қарши бўлиб қолади. Пандузодалар ҳам бу ҳақиқатдан бехабар эдилар, лекин улар ўртасида қаттиқ низо чиққанида Карн дўсти Дурйодхан учун пандузодалардан ўч олмоқчи бўлганида онаси уларга ҳақиқатни айтишга мажбур бўлади. Карн пандузодаларни ўз укалари эканини эшитганидан кейин ҳам ўз дўстидан воз кеча олмайди. Асардаги энг мураккаб образ ҳам Карн образидир.