Ўзбекистон республикаси олий ва ўрта махсус таълим вазирлиги самарқанд давлат чет тиллар институти роман-герман филологияси факультети

Лисоний таҳлилда фойдаланилган методлар. Белгиланган топши-риқларни бажариш учун қуйидаги метод ва ёндашувлардан фойдаланилди: қиёсий-типологик, дистрибутив (тасвирий), лексикографик метод, компонент таҳлил методларидан кенг фойдаланилган.
Ҳимояга олиб чиқилаётган ҳолатлар:
1.Испан ва ўзбек тилларида отнинг грамматик категориялари, ҳусусан, сонмаъносини ифодалаш учун хизмат қиладиган морфологик воситаларни таснифлашдаги мунозарали масалалар юзага келади;
2. Қардош бўлмаган тиллар тизимини қиёсий-типологик жиҳатдан тадқиқ қилишда сон категориясининг асос қилиб олиниши морфологик қатламдаги бирликларнинг структур-семантик таҳлилига кенг йўл очиб беради;
3. Испан ва ўзбек тилларида сон типологик категориясини воқелантиришда нафақат морфологик воситалар, балки синтактик воситалар ҳам бевосита иштирок этади;
4. Қардош бўлмаган испан ва ўзбек тилларида род маъноси турли аспектларда ва турли воситалар ёрдамида юзага чиқарилади;
4. Исчпан ва ўзбек тилларида от грамматик категориялари бирликларнинг изоморфик ва алламорфлик ҳусусиятлари аниқлаш, ҳар бир аниқланган ҳусусиятнисинтагматик ва парадигматик сатҳларда типологик категория сифатида ўрганиш мумкин.
Ишнинг илмий янгилиги.Малакавий ишнинг илмий янгилиги испан ва ўзбек тилларида отнинг грамматик категорияларини қиёсий-типологик сатҳда ўрганиш ва тизимлаштиришдан иборат бўлди. Танланган мавзуда асосий янгиликлардан қуйидагиларни таъкидлаш мумкин:
1. Отнинг грамматик категориялари таснифи алоҳида таҳлил этилиб, унга берилган таъриф ва атама мунозарали масала эканлиги аниқланди;
2. Қардош бўлмаган (испан, ўзбек) тилларнинг материаллари замирида отнинг грамматик сон ва род категорияларини типологик жиҳатдан таҳлил қилишга илк бор эътибор қаратилди;
3. Қардош бўлмаган тилларга ҳос от семантик структурасининг типологик талқини махсус тадқиқот объекти сифатида илк марта ўрганилди;
4. Парадигматик ва синтагматик сатҳларда от грамматик категорияларининг тиллараро дифференциал белгилари ва тилларга хос томонлари аниқланди ва тизимлаштирилди.