Ўзбекистон республикаси олий ва ўрта махсус таълим вазирлиги мухаммад ал хоразмий номидаги тошкент ахборот технологиялари университети

Субъектив омилларга эса – мулоқат қилиш характери, маълумот даражаси, табақаланганлик даражаси, жамоа аъзоларининг ҳаётий режалари, қадриятларга бўлган муносабатлари киради. Шундай бўлса ҳам ижтимоий-психологик мухитни яратишда кутубхона-ахборот муассасасининг раҳбарининг бошқариш фаолиятида қўллайдиган раҳбарлик усуллари ва шакллари алоҳида аҳамият касб этади. Асосий фаолияти ишга ижодий ёндошувни, деярлик бутун фаолияти ижодий муҳитни, дўстона муносабатларни, бир-бирини тушуниш, қўллаб-қувватлаш асосида фаолият кўрсатадиган кутубхона-ахборот муассасаларида автократ бошқариш услубини қўллаш мақсадга мувофиқ бўлмайди.
2. Кутубхона-ахборот ташкилоти жамоасида формал ва ноформал гурухлар

Кейинги йилларда психология ва менежмент фанларида ижтимоий гурух ва жамоа тушунчалари бўйича бир- бирини тўлдириб борувчи тадқиқотлар амалга оширилмоқда. Шунга қарамасдан кичик гурух тушунчаси ҳақида ҳали бир тўхтамга келинмаган. Чунки бу ходиса жуда ҳам ўзгарувчан бўлиб, шароитга қараб ўз холатини ўзгартириб бораверади. Аммо кичик гурухларга кўпчилик томонидан қабул қилинган умумий қарашлар мавжуд бўлиб у қуйидагича таърифланади: Бу- катта бўлмаган миқдордаги одамларни ( одатда ўнтадан ортиқ бўлмаган) бир-бири билан мустахам ҳамкорликдаги холати ва маълум бир вақт мобайнидаги ўзаро фаолият кўрсатишидир. Гурух аъзоларининг ўзаро фаолияти умумий қизиқишлар ва мақсадларни умумийлиги ва унга эришиш билан боғланган бўлиши мумкин.

Менежментда кўпроқ эътибор жамоадаги формал ва ноформал гурухларга қаратилади.

Формал гурухлар раҳбарият томонидан махсус қоидалар, қарорлар асосида, уларни фаолиятлари баён қилинган холда тузилади. Формал гурухларнинг учта тури мавжуд:

1.Раҳбарлар гурухи (рахбарият), директор ва унга бевосита бўйсунувчилар;

2.Мақсадли гурух, бирон бир топшириқ ёки лойиха устида ишловчилардан ташкил топади;
3.Комитет (кенгаш, комиссия). у ёки бу топшириқни бажариш учун тузилган гурух.
Барча формал гурухлар қуйидаги асосий белгиларга эга бўладилар: