Ўзбекистон республикаси олий ва ўрта махсус таълим вазирлиги мухаммад ал хоразмий номидаги тошкент ахборот технологиялари университети

3. Моддий-техник операцияларни амалга ошириш.


Бошқарувнинг меъёрий актларини нашр этиш –бошқарув органлари фаолиятининг шаклларидан биридир. ªонунларда қайд этилган меъёрлар ва қоидалар, у ёки бу ташкилот фаолиятининг барча томонларини қамраб ололмайди. Шу сабабли ушбу умумий меъёрларни қўллаш учун уларга аниклик киритиш ва қисмларга ажратиш зарурияти пайдо бўлади. Меъёрий актларда умумий қоидаларни мазмуни ўзгармайди, лекин уларни қўллаш шароитлари, вақти ва жойларини ҳисобга олиш аниқ белгиланади. Бу эса чоп этилган қонунни ҳаётга самарали тадбик этишни таъминлайди.
Ташкилий тадбирларни амалга ошириш – бу ташкилий-йўл-йўрик типидаги бошқарув фаолияти шаклидир. Масалан, илғор иш тажрибасини ўрганиш, кенгайтириш ва тарқатиш, жойларда амалий ёрдам кўрсатиш, илмий-техника тараққиётида эришилган ютуқларни жорий этиш бўйича илмий асосланган тавсиялар ишлаб чиқиш ва х.к. Бу шаклларни барчаси кутубхона-ахборот фаолиятини бошқариш органлари томонидан кенг қулланилади.
Моддий-техник операцияларни амалга ошириш ёрдамчи аҳамиятга эга бўлиб уни ёрдамида бошқа барча бошқарув фаолияти шаклларига хизмат кўрсатилади. Бундай холатларга: қонун ости актларини ўрганиш учун материаллар тайёрлаш; турли хилдаги маълумотномалар; хисоботлар; хужжатларни тайёрлаш ишлари киради.


Мавзу бўйича асосий тушунча ва атамалар
Бошқарув усуллари – Бу белгиланган мақсад ва вазифаларга эришиш учун тизимга ёки уни тизимчаларига, мақсадга йўналтирилган таъсир кўрсатиш воситалари ва усуллари йиғиндиси.
Бошқарув мехнатини самарадорлиги – Мехнат натижалари ва сарфланган воситаларни бир-бирига мослиги билан бахоланади.

Мавзуни ўзлаштириш учун саволлар
1.Ташкилий- фармойиш усуллари ўз ичига қандай усулларни олади?
2. Иктисодий бошқариш усулларига нималар киради?
3. Ижтимоий-психологик бошқариш усулларига нималар киради?
4. Бошқарув усуллари қандай классификация қилинади?
5.Қандай бошқарув шаклларини биласиз?