Ўзбекистон республикаси олий ва ўрта махсус таълим вазирлиги гулистон давлат университети б.Қурбанов, Ш. Турабоева

Дарснинг мақсади:
1) таълимий - ўқувчиларда, касбларни меҳнат қуроллари бўйича таснифлаш кўникмасини шакллантириш, муайян типдаги касбга бўлган мойилликни аниқлаш;
2) тарбиявий - касбларни типлари бўйича таҳлил қилиш орқали
ўқувчиларнинг маълум бир касбларга нисбатан қизиқишларини ошириш;
3) ривожлантирувчи - ўқувчиларни мактаб атрофидаги ишлаб чиқариш корхоналарида энг кўп тарқалган ҳар хил типдаги касбларни фарқлашга ва таҳлил қилишга ўргатиш.
4) ижодий – ўқувчиларда ўз келажагини бугун белгилаш учун касбни эркин холда, унинг талабларига жавоб берадиган даражада танлаш лозимлиги ҳақида кўникма ҳосил қилиш.
5) амалий – хар бир ўқувчини қобилиятига, саломатлигига тўғри келадиган касбларни ўз ҳохиши билан танлашларига кўмаклашиш.
Касбга йўналтирувчи мақсад: ўқувчиларни ҳар хил типдаги касбларни фарқлашга ва таҳлил қилишга ўргатиш орқали уларни касбларга бўлган қизиқишларини мутаҳкамлаш, бирор касбни танлашларига кўмаклашиш.
Дарснинг вазифалари:
- касбларнинг таснифлари ҳақида тушунча бериш;
- ҳар бир касбнинг масъулиятли ва шарафли эканлигини, ўз ўрни ва мавқеи борлигини тушунтириш;
- бирор касбни ўрганиш ва эгаллаш учун фақатгина хоҳиш-истакни ўзи етарли эмаслигини, балки кишида шу касбни эгаллаш учун унинг қийинчиликларини енга оладиган, ўзига хос хусусиятларига мос келадиган қобилиятлар ҳам бўлиши зарурлигини уқтириш.
Дарс типи: Янги билимлар бериш.
Дарс тури: назарий.
Дарсда қўлланиладиган ўқитиш методлари: маъруза, суҳбат, тушунтириш, ролли ўйин.
Фанлараро боғланиш: тиббиёт, биология, кимё, қишлоқ хўжалиги, техника, технология, математика, информатика, физика, иқтисодий билим асослари ва б.
Дарс жиҳози: тарқатма материаллар, компьютер, проектор, экран, ишлаб чиқариш соҳаларига оид слайдлар, кўргазмалар ва ҳ.
Дарснинг бориши:
I. Ташкилий қисм.
II. Ўтилган дарсни сўраш ва баҳолаш:
1. Ишлаб чиқариш соҳалари ҳақида гапиринг.
2. Кўп серияли ишлаб чиқариш деганда нимани тушунасиз?
3. Ижодий ғоя ва дизайн тушунчаларини гапириб беринг.
4. Ишлаб чиқаришда ишлатиладиган хом ашёлар ҳақида гапиринг.