Ўзбекистон республикаси олий ва ўрта махсус таълим вазирлиги гулистон давлат университети б.Қурбанов, Ш. Турабоева

Кадрлар тайёрлашнинг миллий модели:
Шахс - кадрлар тайёрлаш тизимининг бош субъекти ва объекти, таълим соҳасидаги хизматларни истеъмолчиси ва уларни амалга оширувчи.
Давлат ва жамият - таълим ва кадрлар тайёрлаш тизимининг фаолиятини тартибга солиш ва назорат қилишни амалга оширувчи кадрлар тайёрлаш ва уларни қабул қилиб олишнинг кафиллари.
Узлуксиз таълим - малакали рақобатбардош кадрлар тайёрлашнинг асоси.
Фан - юқори малакали мутахассислар тайёрловчи ва улардан фойдаланувчи илғор педагогик ва ахборот технологияларни ишлаб чиқувчи.
Ишлаб чиқариш-кадрларга бўлган эҳтиёжни, шунингдек, уларнинг тайёргарлик сифати ва савиясига нисбатан қўйиладиган талабиарни белгиловчи асосий буюртмачи.
IV. Янги ўтилган мавзуни мустаҳкамлаш ва баҳолаш.
1. "Таълим тўғрисида"ги Қонун ва "Кадрлар тайёрлаш миллий дастури" қачон қабул қилинган?
2. "Таълим тўғрисида"ги Қонуннинг мақсадини айтинг?
3. "Кадрлар тайёрлаш миллий дастури"нинг мақсадини айтинг.
4. Таълим турларини айтинг.
5. Кадрлар тайёрлашнинг миллий моделини айтинг.
V. Дарсни якунлаш (хулосалаш) ва уйга топшириқ бериш.


9-машғулот.
"Технология ва дизайн" ва "Сервис хизмати" йўналишлари учун.
Мавзу: Мулкчилик турлари, маркетинг ва менежмент фаолиятининг ривожланиши


Дарснинг мақсади:
1) таълимий -ўқувчиларга мулкчилик турлари, маркетинг ва менежмент фаолиятининг ривожланиши ҳақида маълумот бериш;
2) тарбиявий - ўқувчиларда давлат мулки, шахсий мулк, хусусий мулкка нисбатан ижобий муносабатларини тарбиялаш;
3) ривожлантирувчи - ўқувчиларни маркетинг ва менежмент соҳасига ва касбларига оид билимларини кенгайтириш.
4) ижодий – ўқувчиларда мулкчилик турлари ва мулк эгаси бўлиш, маркетинг ва менежмент вазифалари тўғрисида тушунча ва кўникма ҳосил қилиш.
5) амалий – ўқувчиларга мулк эгаси бўлиш (мулкдор) қандай амалга оширилиши тўғрисидаги қонунлар ҳақида тушунча бериш.