Ўзбекистон республикаси олий ва ўрта махсус таълим вазирлиги гулистон давлат университети б.Қурбанов, Ш. Турабоева

IV. Дарсни якунлаш
1. Янги мавзу юзасидан ўқувчилар билимини мустаҳкамлаш:
1. Қутича ясаш учун қандай хом ашёлар керак бўлади?
2. "Қутича ясашга оид технологик харита"нинг тузилишини тушунтириб беринг.
3. Асбоб-ускуна, мосламалардан фойдаланишда қандай хавфсизлик техникаси қоидаларига амал қилинади?
2. Уйга вазифа бериш.
Совға учун ясаладиган буюмлар рўйҳатини тузиш ва улардан биттасини танлаб технологик харита тузиш.
3. Иш ўрнини йиғиштириш.


4-машғулот
(Амалий машғулот)
Мавзу: Дурадгорлик асбобларидан тўқмоқ ясаш


Дарснинг мақсади:
1) таълимий - ўқувчиларга тўқмоқларнинг вазифаси ва конструкцияси, улар билан ишлаш усулларини ўргатиш, уларни тўқмоқларни тайёрлаш ва ишлатишдаги хавфсизлик техникаси қоидалари билан таништириш;
2) тарбиявий - ўқувчиларни иш жараёнида тежамкорликка ўргатиш, уларда гўзалликни ҳис қилишни ривожлантириш;
3) ривожлантирувчи - ўқувчиларга буюм тайёрлаш ишларини бажаришда ҳосил бўладиган меҳнат кўникмаларини кенгайтириш.
4) ижодий - ўқувчиларга буюм ясашда ижодкорлик ишлари ҳақида тушунча бериш.
5) амалий - тайёр буюмга қараб буюм тайёрлаш, унга бадиий безак бериш ва тайёрланган буюм аҳамиятини тушунтириш.
Касбга йўналтирувчи мақсади: ўқувчиларни дурадгорлик, ёғоч ўймакорлиги каби касблар тўғрисидаги билим, кўникма ва малакаларни ривожлантириш.
Дарснинг вазифалари:
- ўқувчиларга технологик харита тўғрисидаги умумий тушунчаларни
ўргатиш;
- тўқмоқ ясаш учун технологик харита тайёрлаш тўғрисида маълумот бериш;
- тўқмоқ ясашда бажариладиган иш усуллари, асбоб-ускуналар ва мосламалар билан таништириш;
- асбоб-ускуналар ва мосламалардан фойдаланишда риоя қилинадиган хавфсизлик техникаси қоидалари ва санитария-гигиена талабларига амал қилишни уқтириш;
- соҳага оид касблар бўйича маълумот бериш.