Ўзбекистон республикаси олий ва ўрта махсус таълим вазирлиги гулистон давлат университети б.Қурбанов, Ш. Турабоева

3-машғулот.
(Амалий машғулот)
Мавзу: Совға учун қутича (шкатулка) буюмини ясаш


Дарснинг мақсади:
1) таълимий- ўқувчиларга совға учун қутича (шкатулка) буюмини ясашни ўргатиш;
2) тарбиявий-ўқувчиларга ҳар қандай ишни бажаришда ўзига қулай бўлган шароитни ташкил қилиш ва соғлиғига путур етказмайдиган меҳнатни ташкил қилишни ўргатиш, уларда ўзбекона меҳмоннавозли хислатини ривожлантириш;
3) ривожлантирувчи-ўқувчиларда буюм тайёрлаш ишларини бажаришда керак бўладиган меҳнат кўникмасини кенгайтириш.
4) ижодий – ўқувчиларга совға учун қутича ясаш, уни замон талабларига жавоб берадиган даражада безаш ва ўзининг фикрларини бадиий безаш орқали ифода эта олишини таркиб топтириш.
5) амалий- ўқувчиларда фикран ўйлаб, совға учун қутича қандай бўлиши лозимлиги ва мустақил фикр билан уни ясашни, такомиллаштириш малакасини таркиб топтириш.
Касбга йўналтирувчи мақсад: ўқувчиларнинг дурадгорлик, ёғоч ўймакорлиги каби касблар тўғрисидаги билим, кўникма ва малакаларни ривожлантириш.
Дарснинг вазифалари:
- ўқувчиларда технологик харита тўғрисидаги умумий тушунчаларни кенгайтириш;
- қутича (шкатулка) учун технологик харита тайёрлаш тўғрисида маълумот бериш;
- бажариладиган иш усуллари, асбоб-ускуналар ва мосламалар билан таништириш;
- асбоб-ускуналар ва мосламалардан фойдаланганда хавфсизлик техникаси қоидаларига амал қилиш тўғрисидаги билимларни ўргатиш;
- соҳага оид касблар бўйича маълумот бериш.
Дарс типи: Янги билимлар бериш.
Дарс тури: амалий
Дарсда қўлланиладиган ўқитиш методлари: тақдимот, баҳс-мунозара, савол-жавоб.
Фанлараро боғланиш: тасвирий санъат, чизмачилик, математика, физика, иқтисодий билим асослари ва б.
Дарс жиҳози: компьютер, проектор, экран, слайдлар, "Қутича"нинг технологик харитаси, асбоб-ускуналар ва мосламалар, хавфсизлик техникаси қоидалари, соҳага оид касб бўйича кўргазма материаллари.