Ўзбекистон республикаси олий ва ўрта махсус таълим вазирлиги абу Райхон Беруний номли Тошкент давлат техника университети «Электроника ва автоматика» факультети

10-модда. Стандартлаштириш тўғрисидаги қонун хужжатларини бузганлик учун жавобгарлик
Ушбу Қонун қоидалари бузилишида айбдор бўлган юридик ва жисмоний шахслар, шунингдек давлат бошқарув органларининг мансабдор шахслари амалдаги қонун хужжатларига мувофиқ жавобгарликка тортиладилар.

2.4. IV Бўлим. Давлат йўли билан стандартлаштириш ва назорат қилишга доир ишларнинг молиявий таъминоти. Стандартларни қўллашни рағбатлантириш

11-модда. Давлат йўли билан стандартлаштириш ва назорат қилишга доир ишларнинг молиявий таъминоти
Cтандартлаштириш ва назорат қилишга доир ишлар, хусусан:

• 
  халқаро (давлатлараро, минтақавий) стандартларни, стандартлаштириш қоидалари, нормалари ва тавсияларини ишлаб чиқиш ёки ишлаб чиқишда иштирок этиш;
  
• 
  аниқ стандартлаштириш объектлари бўйича қонун хужжатларини ишлаб чиқиш, шунингдек стандартларнинг таркибий ташкилий-техник ва умумтехник мажмуиларини ишлаб чиқиш ва уларнинг амал қилишини таъминлаш;
  
• 
  техник-иқтисодий ахборот классификаторларини ишлаб чиқиш, улар тўғрисида расмий ахборот тайёрлаш ва нашр этиш, шунингдек уларни барча манфаатдор фойдаланувчиларга юбориш;
  
• 
  стандартлаштириш бўйича умумдавлат ахамиятига молик илмий-тадқиқот ва ўзга ишларни олиб бориш;
  
• 
  стандартларнинг мажбурий талабларига риоя этилиши устидан давлат назоратини олиб бориш;
  
• 
  стандартлар фондини, техник-иқтисодий ахборотлар классификаторларини, халқаро (давлатлараро, минтақавий) стандартларни, стандартлаштириш қоидалари, нормалари ва тавсияларини, хорижий мамлакатларнинг миллий стандартларини, шунингдек стандартларга мувофиқлик белгиси билан тамғаланган махсулот ва хизматлар Давлат реестрини шакллантириш хамда юритиш;
  
• 
  стандартлаштириш сохасида Ўзбекистон Республикаси Вазирлар Махкамаси аниқлайдиган ўзга ишлар давлат йўли билан молиявий таъминланиши шарт.
  

Нашр қилинган (қайта нашр этилган) стандартларни, техник-иқтисодий ахборот классификаторларини, махсулот ва хизматлар Давлат реестрига киритилган, стандартларга мувофиқлик белгиси билан тамғаланган махсулот ва хизматларнинг нашр қилинган (қайта нашр этилган) каталогини сотишдан белгиланган тартибда олинадиган маблағлар, шунингдек ушбу Қонун қоидаларини бузганлик учун ундириладиган жарима маблағларининг Ўзбекистон Республикаси Вазирлар Махкамаси белгилайдиган тартибда давлат назорати органларига йўлланадиган қисми хам стандартлаштириш, стандартларнинг мажбурий талабларига риоя этилиши устидан давлат назоратига доир ишларни молиявий таъминлаш манбалари бўлиши мумкин.
Республика бюджети маблағларидан тўлиқ ёки қисман таъминланадиган давлат дастурларини ишлаб чиқишда махсулот сифатини норматив жихатдан таъминлаш бўлимлари назарда тутилиши лозим.