Ўзбекистон республикаси олий ва ўрта махсус таълим вазирлиги абу Райхон Беруний номли Тошкент давлат техника университети «Электроника ва автоматика» факультети

7-модда. Стандартлаштиришга доир норматив хужжатларнинг сертификатлаштиришда қўлланилиши
Амалдаги қонун хужжатларига мувофиқ мажбурий сертификатлаштирилиши лозим бўлган махсулотни стандартлаштиришга доир норматив хужжатлар сертификатлаштиришни амалга оширишда риоя этиладиган талабларни, шунингдек ушбу талабларга мувофиқликни назорат қилиш ва синаш усулларини ўз ичига олиши лозим.
Кўрсатиб ўтилган хужжатлар махсулотнинг мазкур турини сертификатлаштириш тизимида белгиланган қоида ва тартибларга мувофиқ қўлланилиши лозим.

2.3. III Бўлим. Стандартлар устидан давлат назорати

8-модда. Давлат назорати органлари ва объектлари
Хўжалик фаолияти субъектлари стандартларнинг мажбурий талабларига, стандартлаштиришга тааллуқли бошқа қонун хужжатларига риоя этиши устидан давлат назоратини "Ўздавстандарт" агентлиги", "Давархитекткурилиш" қўмитаси, Давлат табиатни мухофаза қилиш қўмитаси, Соғлиқни сақлаш вазирлиги ва уларнинг худудий органлари, шунингдек бошқа махсус вакил қилинган давлат бошқарув органлари ўз ваколатлари доирасида амалга оширадилар.
Идоравий бўйсунуви ва мулк шаклидан қатъи назар хўжалик фаолияти субъектларининг, шунингдек тадбиркорлик фаолияти билан шуғулланаётган жисмоний шахсларнинг махсулоти, шу жумладан сертификатлаштирилган махсулот (ишлаб чиқиш, тайёрлаш, сақлаш, ташиш, фойдаланиш, таъмирлаш ва чиқиндини фойдали суратда ишлатиш босқичларида) давлат назорати объекти хисобланади.
Хўжалик фаолияти субъектлари давлат назоратини амалга ошириш учун барча зарур шароитни яратишлари шарт.
Стандартларнинг мажбурий талабларига риоя этилиши устидан давлат назоратини:

• 
  стандартларни текшириш ва назорат қилиш хамда ўлчовларнига ягона бирликда бўлишини таъминлаш бўйича Ўзбекистон Республикаси бош давлат инспектори;
  
• 
  стандартларни текшириш ва назорат қилиш хамда ўлчовларнинг ягона бирликда бўлишини таъминлаш бўйича Қорақалпоғистон Республикаси, вилоятлар ва Тошкент шахар бош давлат инспекторлари;
  
• 
  стандартларни текшириш ва назорат қилиш хамда ўлчовларнинг ягона бирликда бўлишини таъминлаш бўйича давлат инспекторлари амалга оширадилар.