Ўзбекистон республикаси олий ва ўрта махсус таълим вазирлиги абу Райхон Беруний номли Тошкент давлат техника университети «Электроника ва автоматика» факультети

2. Стандартлаштиришнинг қонуний асоси. Ўзбекистон Республикасининг «Стандартлаштириш тўғрисида» қонуни.

Ўзбекистон Республикасининг «Стандартлаштириш тўғрисида» қонуни 1993 йил 28 декабрда қабул қилинган бўлиб, мазкур Қонунга қуйидагиларга мувофиқ ўзгартиришлар киритилган: ЎзР 26.05.2000 й. 82-II-сон Қонуни, ЎзР 25.04.2003 й. 482-II-сонли Қонунлари. Қонун қуйидаги бўлимлардан иборат:

I Бўлим. Умумий қоидалар
II Бўлим. Стандартлаштиришга доир норматив хужжатлар
III Бўлим. Стандартлар устидан давлат назорати
IV Бўлим. Давлат йўли билан стандартлаштириш ва назорат қилишга доир ишларнинг молиявий таъминоти. Стандартларни қўллашни рағбатлантириш

2.1. I Бўлим. Умумий қоидалар

1-модда. Стандартлаштиришнинг асосий мақсадлари
Стандартлаштиришнинг асосий мақсадлари:

• 
  махсулотлар, жараёнлар, ишлар ва хизматларнинг (бундан буён матнда "махсулот" деб юритилади) ахолининг хаёти, соғлиғи ва мол-мулкига, атроф мухит учун хавфсизлиги, ресурсларни тежаш масалаларида истеъмолчилар ва давлат манфаатларини химоя қилишдан;
  
• 
  махсулотларнинг ўзаро алмашинувчанлигини ва бир-бирига мос келишини таъминлашдан;
  
• 
  фан ва техника тараққиёти даражасига, шунингдек ахолининг хамда халқ хўжалигининг эхтиёжларига мувофиқ холда махсулот сифатини хамда рақобат қила олиш имконини оширишдан;
  
• 
  барча турдаги ресурслар тежалишига кўмаклашишдан, ишлаб чиқаришнинг техник-иқтисодий кўрсаткичларини яхшилашдан;
  
• 
  ижтимоий-иқтисодий, илмий-техникавий дастурлар ва лойихаларни амалга оширишдан;
  
• 
  табиий ва техноген фалокатлар хамда бошқа фавқулодда вазиятлар юзага келиш хавф-хатарини хисобга олган холда халқ хўжалиги объектларининг хавфсизлигини таъминлашдан;
  
• 
  истеъмолчиларни ишлаб чиқарилаётган махсулот номенклатураси хамда сифати тўғрисида тўлиқ ва ишончли ахборот билан таъминлашдан;
  
• 
  мудофаа қобилиятини ва сафарбарлик тайёрлигини таъминлашдан;
  
• 
  ўлчовларнинг ягона бирликда бўлишини таъминлашдан иборатдир.